സ്ത്രീധനം തന്നാലേ വിവാഹം കഴിക്കൂവെന്ന് പറയുന്നവരോട് താന് പോടോ എന്ന് പറയാന് പെണ്കുട്ടികള്ക്ക് ആകണം..... തിരുവനന്തപുരത്തെ യുവ ഡോക്ടര് ഷഹ്നയുടെ ആത്മഹത്യയില് പ്രതികരണവുമായി മുഖ്യമന്ത്രി പിണറായി വിജയന്
സ്ത്രീധനം തന്നാലേ വിവാഹം കഴിക്കൂവെന്ന് പറയുന്നവരോട് താന് പോടോ എന്ന് പറയാന് പെണ്കുട്ടികള്ക്ക് ആകണം..... തിരുവനന്തപുരത്തെ യുവ ഡോക്ടര് ഷഹ്നയുടെ ആത്മഹത്യയില് പ്രതികരണവുമായി മുഖ്യമന്ത്രി പിണറായി വിജയന്.
സമൂഹത്തിന്റെയാകെ നവീകരണം ആവശ്യമാണ്. സമൂഹത്തിനും ഉത്തരവാദിത്തവുമുണ്ട്. നിയമവും അതിനൊപ്പം ശക്തമാകണം. അത് സര്ക്കാര് ചെയ്യുന്നുണ്ടെന്നും മുഖ്യമന്ത്രി പറഞ്ഞു.
അതേസമയം, തിരുവനന്തപുരം മെഡിക്കല് കോളേജിലെ യുവ ഡോക്ടര് ഷഹ്നയുടെ ആത്മഹത്യയില് കസ്റ്റഡിയിലായ ആണ്സുഹൃത്ത് ഡോ. റുവൈസിനെതിരെ ഗുരുതരമായ ആരോപണങ്ങളുമായി ഷഹ്നയുടെ കുടുംബാംഗങ്ങള് രംഗത്തെത്തി. സ്ത്രീധനത്തിനായി സമ്മര്ദം ചെലുത്തിയത് റുവൈസ് ആണെന്ന് ഡോ. ഷഹ്നയുടെ സഹോദരന് ജാസിം നാസ് ആരോപിക്കുന്നു. റുവൈസാണ് സ്ത്രീധനത്തിനായി സമ്മര്ദ്ദം ചെലുത്തിയത്. കഴിയുന്നത്ര നല്കാമെന്ന് സമ്മതിച്ചെങ്കിലും റുവൈസ് എന്നിട്ടും വഴങ്ങിയില്ലെന്നും ജാസിം നാസ് പറഞ്ഞു.
സ്ത്രീധനം കൂടുതല് ചോദിച്ചത് പിതാവാണെന്നും പിതാവിനെ ധിക്കരിക്കാന് ആവില്ലെന്ന് റുവൈസ് പറഞ്ഞിരുന്നതായും ജാസിം നാസ് പറഞ്ഞു. പണമാണ് തനിക്ക് വലുതെന്നാണ് റുവൈസ് ഷഹ്നയോട് പറഞ്ഞത്.
https://www.facebook.com/Malayalivartha
