മുഖ്യമന്ത്രിയുടെ ചീഫ് പ്രിന്‍സിപ്പില്‍ സെക്രട്ടറി കെ.എം എബ്രഹാമിനെതിരായ സി.ബി.ഐ അന്വേഷണത്തിന് സ്റ്റേ. സുപ്രീംകോടതിയാണ് കെ.എം എബ്രഹാമിന്റെ ഹര്‍ജി പരിഗണിച്ച് സ്റ്റേ അനുവദിച്ചത്.

ജസ്റ്റിസ് ദീപാങ്കര്‍ ദത്ത അധ്യക്ഷനായ ബെഞ്ചാണ് ഹരജി പരിഗണിച്ചത്. സി.ബി.ഐ അന്വേഷണത്തിന് അനുമതി നല്‍കിയ ഹൈക്കോടതി ഉത്തരവ് റദ്ദാക്കണമെന്നാണ് കെ.എം. എബ്രഹാമിന്റെ ഹര്‍ജിയിലെ ആവശ്യം.

2003 ജനുവരി മുതല്‍ 2015 ഡിസംബര്‍ വരെയുള്ള കാലയളവിലെ എബ്രഹാമിന്റെ സ്വത്ത് വിവരങ്ങളാണ് അന്വേഷണ പരിധിയില്‍ ഉള്ളത്. കൊല്ലത്തെ എട്ട് കോടി വില വരുന്ന ഷോപ്പിങ് കോംപ്ലക്‌സും അന്വേഷണ പരിധിയിലുണ്ട്.

പൊതുപ്രവര്‍ത്തകനായ ജോമോന്‍ പുത്തന്‍പുരക്കല്‍ നല്‍കിയ ഹര്‍ജിയിലാണ് അന്വേഷണം. 2015ല്‍ ധനകാര്യ അഡീഷനല്‍ ചീഫ് സെ?ക്രട്ടറിയായിരിക്കെ വരവില്‍ കവിഞ്ഞ സ്വത്ത് സമ്പാദിച്ചു എന്നാരോപിച്ചായിരുന്നു പരാതി.