കോട്ടയം കറുകച്ചാലിൽ യുവതി കാറിടിച്ച് മരിച്ചതിൽ ദുരൂഹത; അന്വേഷണം ആരംഭിച്ച് കറുകച്ചാൽ പ...

കോട്ടയം കറുകച്ചാലിൽ യുവതി കാറിടിച്ച് മരിച്ചതിൽ ദുരൂഹത; അന്വേഷണം ആരംഭിച്ച് കറുകച്ചാൽ പൊലീസ്...

07 MAY 2025 04:41 PM IST

മലയാളി വാര്‍ത്ത

സ്വത്തുതട്ടിയെടുക്കാന്‍ കിടപ്പുരോഗിയായ യുവാവിനെ സഹോദരനായ മൃഗ ഡോക്ടര്‍ കുത്തിക്കൊന്ന കേസ് ....ഡോക്ടര്‍ക്ക് ജീവപര്യന്തം കഠിന തടവും മുക്കാല്‍ ലക്ഷം രൂപ പിഴയും ശിക്ഷ വിധിച്ചു

തലസ്ഥാന ജില്ലയിലെ നന്തന്‍കോട് ബെയില്‍സ് കോംപൗണ്ടില്‍ 4 പേരെ കൂട്ടക്കൊല ചെയ്ത് വീടിന് തീയിട്ട കേസില്‍ വിധി പ്രസ്താവം ഇന്ന്

അമരവിള എക്സൈസ് ചെക്ക് പോസ്റ്റില്‍ 4 കിലോ 750 ഗ്രാം കഞ്ചാവ് പിടികൂടി

ഹൈബ്രിഡ് കഞ്ചാവ് കേസില്‍ കോടതിയില്‍ രഹസ്യമൊഴി നല്‍കി നടന്‍ ശ്രീനാഥ് ഭാസി

കറുകച്ചാലിൽ കാറിടിച്ച് യുവതി മരിച്ചത് ക്വട്ടേഷൻ കൊലപാതകമെന്ന സംശയത്തിൽ പൊലീസ്. ചങ്ങനാശേരിയിലെ ടെക്‌സ്റ്റൈൽ ഷോപ്പിലെ ജീവനക്കാരിയായ കൂത്രപ്പള്ളി സ്വദേശിനിയും നിലവിൽ കറുകച്ചാൽ വെട്ടിക്കലുങ്കിൽ വാടകകയ്ക്ക് താമസിക്കുന്ന ആളുമായ നീതു ആർ. നായരാ(35)ണ് മരിച്ചത്. ഇന്ന് രാവിലെ 8.45 ന് കറുകച്ചാൽ വെട്ടിക്കലുങ്കിൽ ഇവരുടെ വീടിനു സമീപത്തെ ഇടവഴിയിൽ വച്ചായിരുന്നു അപകടം. ചങ്ങനാശേരിയിലെ ടെക്‌സ്റ്റൈൽ ഷോപ്പിലെ ജീവനക്കാരിയായ നീതു രാവിലെ ജോലിയ്ക്ക് പോകാനായി വീട്ടിൽ നിന്നും ഇറങ്ങിയതായിരുന്നു. ഈ സമയം ഈ റോഡിലൂടെ എത്തിയ ഇന്നോവ ഇവരെ ഇടിച്ചു വീഴ്ത്തിയ ശേഷം നിർത്താതെ ഓടിച്ചു പോയി. ഇന്നോ ഇടിച്ച് ഇവർ റോഡരികിലേയ്ക്കാണ് വീണത്. ഉടൻ തന്നെ നാട്ടുകാർ ചേർന്ന് കറുകച്ചാലിലെ സ്വകാര്യ ആശുപത്രിയിലും പിന്നീട് മെഡിക്കൽ കോളേജ് ആശുപത്രിയിലും എത്തിച്ചെങ്കിലും മരണം സ്ഥിരീകരിച്ചിരുന്നു. അപകട മരണമെന്ന രീതിയിൽ കറുകച്ചാൽ പൊലീസ് കേസ് അന്വേഷിച്ചെങ്കിലും പിന്നീട് ആസൂത്രിതമായ കൊലപാതകമെന്ന് സംശയം തോന്നുകയായിരുന്നു. നീതു വിവാഹം ചെയ്്തത് കാഞ്ഞിരപ്പള്ളി സ്വദേശിയെയാണ്. ഇരുവരും തമ്മിൽ അടുത്തിടെ അകന്ന് കഴിയുകയാണെന്ന് പൊലീസ് പറയുന്നു. അടുത്ത ദിവസം ഇരുവരുടെയും ഡൈവോഴ്‌സ് കേസ് കോടതിയിൽ എത്താനിരിക്കെ മുൻ ഭർത്താവ് ആസൂത്രണം ചെയ്ത് നടപ്പിലാക്കിയതാണ് അപകടമെന്നാണ് പൊലീസ് സംശയിക്കുന്നത്. ഇതേ തുടർന്ന് മുൻ ഭർത്താവിനെ കേന്ദ്രീകരിച്ച് പൊലീസ് അന്വേഷണം ആരംഭിച്ചിട്ടുണ്ട്. റെന്റ് എടുത്ത കാറിലെത്തിയാണ് ഇയാൾ കൊലപാതകം നടത്തിയതെന്നാണ് സംശയിക്കുന്നത്. ആദ്യം പൊലീസിന് കാറിന്റെ നമ്പർ ലഭിച്ചിരുന്നില്ല. പിന്നീട് നടത്തിയ അന്വേഷണത്തിലാണ് കാറിന്റെ നമ്പർ ലഭിച്ചത്. കറുകച്ചാൽ എസ്.എച്ച്.ഒയുടെ നേതൃത്വത്തിലുള്ള പൊലീസ് സംഘം അന്വേഷണം ആരംഭിച്ചിട്ടുണ്ട്.