കേരള സാങ്കേതിക സര്വകലാശാല, ഡിജിറ്റല് സര്വകലാശാല എന്നിവിടങ്ങളില് താല്ക്കാലിക വൈസ് ചാന്സലറെ നിയമിച്ച ഗവര്ണറുടെ നടപടി തെറ്റെന്ന് ഹൈക്കോടതി....

കേരള സാങ്കേതിക സര്വകലാശാല, ഡിജിറ്റല് സര്വകലാശാല എന്നിവിടങ്ങളില് താല്ക്കാലിക വൈസ് ചാന്സലറെ നിയമിച്ച ഗവര്ണറുടെ നടപടി തെറ്റാണെന്ന് ഹൈക്കോടതി.
നിയമനം നടത്തേണ്ടത് സര്ക്കാര് പാനലില് നിന്നെന്നും സിസ തോമസ് കേസിലെ ഡിവിഷന് ബെഞ്ച് വിധി ഗവര്ണര് പാലിക്കണമെന്നും ഹൈക്കോടതി പറഞ്ഞു. മുന് ഗവര്ണര് ആരിഫ് മുഹമ്മദ് ഖാന് നടത്തിയ നിയമനം നിയമപരമല്ല. രണ്ട് സര്വകലാശാലകളിലെയും താല്ക്കാലിക വിസിമാരുടെ കാലാവധി 28ന് അവസാനിക്കുന്ന സാഹചര്യത്തില് ഇപ്പോഴത്തെ നിയമനത്തില് ഇടപെടുന്നില്ലെന്നും ഹൈക്കോടതി സിംഗിള് ബെഞ്ച് .
സര്ക്കാര് പാനല് മറികടന്നാണ് ചാന്സലര് കൂടിയായ അന്നത്തെ ഗവര്ണര് ആരിഫ് മുഹമ്മദ് ഖാന് സാങ്കേതിക സര്വകലാശാലയിലേക്ക് ഡോ. കെ ശിവപ്രസാദിനെയും ഡിജിറ്റല് സര്വകലാശാല വൈസ് ചാന്സലര് ആയി ഡോ. സിസ തോമസിനെയും നിയമിച്ചത്. ഇത് ചോദ്യം ചെയ്ത ഹര്ജിയിലാണ് ഹൈക്കോടതി ഇടപെടലുണ്ടായത്.
സാങ്കേതിക സര്വകലാശാല നിയമപ്രകാരം താല്ക്കാലിക വിസി നിയമനം സര്ക്കാര് നല്കുന്ന പട്ടികയില് നിന്നാകണമെന്ന് ഹൈക്കോടതി ഉത്തരവുണ്ട്. ഇക്കാര്യത്തില് ഗവര്ണര് നല്കിയ ഹര്ജിയില് ഡിവിഷന് ബെഞ്ച് വ്യക്തത വരുത്തിയിരുന്നു. എന്നിട്ടും ഉത്തരവ് മറികടന്ന് ഗവര്ണര് നിയമനം നടത്തി.
https://www.facebook.com/Malayalivartha
























