കുടംബ വഴക്കിനൊടുവില് ഭാര്യയെ മദ്യലഹരിയില് മണ്ണെണ്ണ ഒഴിച്ച് തീ കൊളുത്തി കൊലപ്പെടുത്തി... ഭര്ത്താവ് പിടിയില്

മദ്യലഹരിയില് ഭാര്യയെ മണ്ണെണ്ണ ഒഴിച്ചു തീ കൊളുത്തി കൊലപ്പെടുത്തിയ സംഭവത്തില് ഭര്ത്താവ് അറസ്റ്റിലായി. മാങ്കുളം താളുംങ്കണ്ടം ട്രൈബല് സെറ്റില്മെന്റില് താമസിക്കുന്ന രഘു തങ്കച്ചനാണ് മൂന്നാര് പൊലീസിന്റെ വലയിലായത്.
ഇയാള് തീ കൊളുത്തിയതിനെ തുടര്ന്ന് പൊള്ളലേറ്റ ഭാര്യ കോട്ടയം ആശുപത്രിയില് ചികിത്സയിലിരിക്കെയാണ് മരണപ്പെട്ടത്. കഴിഞ്ഞ മുപ്പതാം തീയതിയാണ് കേസിനാസ്പദമായ സംഭവം നടന്നത്. ദമ്പതികള് മാത്രമാണ് വീട്ടില് താമസിച്ചിരുന്നത്.
കഴിഞ്ഞ വെള്ളിയാഴ്ച രാത്രിയില് മദ്യലഹരിയിലെത്തിയ രഘു ഭാര്യയുമായി വഴക്കുണ്ടാക്കുകയും വീട്ടില് ഇരുന്ന മണ്ണെണ്ണ ദേഹത്ത് ഒഴിച്ച് തീകൊളുത്തുകയുമായിരുന്നു. ഇവരുടെ ബഹളം കേട്ട് ഓടിയെത്തിയ നാട്ടുകാരാണ് തീയണച്ച ശേഷം ഇവരെ ആശുപത്രിയിലെത്തിച്ചത്. ഗുരുതരമായി പൊള്ളലേറ്റ ഇവര് കോട്ടയം ആശുപത്രിയില് ചികിത്സയിരിക്കെയാണ് ഇന്ന് മരിച്ചത്.
ദേവികുളം കോടതിയില് ഹാജരാക്കിയ പ്രതിയെ റിമാന്ഡിലാക്കി.
https://www.facebook.com/Malayalivartha

























