അഫാന്റെ ആരോഗ്യനിലയിൽ പുരോഗതിയുണ്ട്. അഫാൻ അപകടനില തരണം ചെയ്തു    വെന്റിലേറ്ററിൽ നിന്നു അഫാനെ  മാറ്റി.  ഓർമശക്തിയടക്കം വീണ്ടെടുത്തു എന്ന്  ഡോക്ടർമാർ വ്യക്തമാക്കി. പൂർണ ആരോഗ്യവാനാകാൻ ഇനിയും സമയമെടുക്കും.

നേരത്തെ  വെന്റിലേറ്ററിൽ നിന്നും അഫാനെ മാറ്റിയിരുന്നു . ഓക്സിജൻ സഹായം നൽകുന്നുണ്ടായിരുന്നു . പേര് വിളിക്കുമ്പോൾ കണ്ണു തുറക്കുകയും വശങ്ങളിലേക്ക് നോക്കാൻ പറയുമ്പോൾ കണ്ണ് കൃത്യമായി അനക്കുകയും ഉൾപ്പെടെ ചെയ്‌തതിരുന്നു. ഇതിനു  പിന്നാലെയാണ് വെന്റിലേറ്ററിൽ നിന്ന് മാറ്റിയത്. എന്നാൽ അപകടനില പൂർണമായി തരണംചെയ്തിട്ടില്ലെന്ന് ഡോക്ടർമാർ അന്നേ വ്യക്തമാക്കിയിരുന്നു.

വായിലൂടെയും മൂക്കിലൂടെയും ട്യൂബിട്ടിട്ടുണ്ടായിരുന്നു . രക്തയോട്ടം കുറഞ്ഞതിനാൽ തലച്ചോറിൽ സാരമായ ക്ഷതങ്ങളുണ്ടായിരുന്നു. ക്രമമായ ഇടവേളകളിൽ എം.ആർ.ഐ സ്‌കാൻ ഉൾപ്പെടെ നടത്തി തലച്ചോറിലെ സ്ഥിതി വിലയിരുത്തുണ്ടായിരുന്നു. ഉണ്ടാകാൻ സാദ്ധ്യതയുള്ള അണുബാധ,ഹൃദയാഘാതം തുടങ്ങിയ സങ്കീർണതകളെ അതിജീവിക്കുന്നത് അനുസരിച്ചായിരിക്കും അഫാൻ അപകടനില പൂർണമായി തരണം ചെയ്യുന്നത്.