കടലുണ്ടി പുഴയില് അപകടത്തില്പെട്ട വയോധികന്റെ മൃതദേഹം കണ്ടെത്തി...

കടലുണ്ടി പുഴയില് അപകടത്തില്പെട്ട വയോധികന്റെ മൃതദേഹം കണ്ടെത്തി. വേങ്ങര കാരാത്തോട് വെങ്കുളം സ്വദേശി സൈദലവി (63) യാണ് മരിച്ചത്. കഴിഞ്ഞ ദിവസമാണ് ഇദ്ദേഹത്തെ കാണാതായത്. പുഴയില് വീണതാവാമെന്ന് സംശയമുണ്ടായിരുന്നു.
ഇദ്ദേഹത്തിന്റെ ഡ്രസ്സ്, കുട എന്നിവ കാരാത്തോട് കടലുണ്ടിപ്പുഴയുടെ ഓരത്ത് സംശയാസ്പദമായ രീതിയില് കണ്ടതിനാല് പുഴയില് വീണതാകുമെന്ന സംശയത്തില് സ്ഥലത്ത് ഫയര്ഫോഴ്സും പൊലീസും നാട്ടുകാരും തെരച്ചില് നടത്തിയിരുന്നു എങ്കിലും കണ്ടെത്താനായി സാധിച്ചിരുന്നില്ല.
പിന്നീട് പരപ്പനങ്ങാടി അട്ട കുഴിങ്ങര പുഴയില് അജ്ഞാത മൃതദേഹം കണ്ടെത്തുകയായിരുന്നു. നാട്ടുകാര് വിവരമറിച്ചതിനെതുടര്ന്ന് പരപ്പനങ്ങാടി പൊലിസ് സ്ഥലത്തെത്തി നിയമപരമായ നടപടികള് പൂര്ത്തിയാക്കി മൃതദേഹം തിരൂരങ്ങാടി താലൂക്ക് ആശുപത്രി മോര്ച്ചറിയിലെത്തിക്കുകയായിരുന്നു. അവിടെ നിന്നാണ് ബന്ധുക്കള് മൃതദേഹം തിരിച്ചറിഞ്ഞത്.
https://www.facebook.com/Malayalivartha

























