സംസ്ഥാനത്തെ സ്കൂളുകള് തുറന്നു.... പ്രവേശനോത്സവം ഉദ്ഘാടനം ചെയ്ത് മുഖ്യമന്ത്രി

മൂല്യാധിഷ്ഠിത പഠനവും, ഹൈസ്കൂളില് പുതിയ ക്ലാസ് സമയവുമടക്കം സമഗ്രമാറ്റത്തോടെയാണ് പുതിയ അദ്ധ്യയന വര്ഷത്തിന് തുടക്കമാകുന്നത്.
അവധിക്കാലം അവസാനിച്ച് ഇന്ന് സംസ്ഥാനത്തെ സ്കൂളുകള് തുറന്നു. 40 ലക്ഷത്തോളം വിദ്യാര്ത്ഥികളാണ് ഇന്ന് വിവിധ സ്കൂളുകളിലെത്തുക. പ്രവേശനോത്സവത്തിന്റെ സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയന് ആലപ്പുഴയില് നിര്വഹിച്ചു. കലവൂര് ഗവ.ഹയര് സെക്കന്ററി സ്കൂളില് രാവിലെ പത്ത് മണിക്ക് പ്രവേശനോത്സവം ഉദ്ഘാടനം ചെയ്തു, സ്കൂളിലെത്തുന്ന വിദ്യാര്ത്ഥികളെ സ്വാഗതം ചെയ്ത് പൊതുവിദ്യാഭ്യാസ വകുപ്പ് മന്ത്രി വി ശിവന്കുട്ടിയും സ്കൂളില് സജീവമായി.
മൂല്യാധിഷ്ഠിത പഠനവും, ഹൈസ്കൂളില് പുതിയ ക്ലാസ് സമയവുമടക്കം സമഗ്രമാറ്റത്തോടെയാണ് പുതിയ അദ്ധ്യയന വര്ഷത്തിന് തുടക്കമാകുന്നത്. ഇന്ത്യയില് ആദ്യമായി പത്താം ക്ലാസില് റോബോട്ടിക്സ് പഠനവിഷയമാകുന്നുവെന്ന പ്രത്യേകതയും ഇത്തവണയുണ്ട്.
ആദ്യ രണ്ട് ആഴ്ചകളില് പാഠപുസ്തക പഠനമില്ല. പരിസര ശുചീകരണം, ലഹരി വിരുദ്ധ പ്രവര്ത്തനങ്ങള്, നല്ല പെരുമാറ്റം, എന്നിങ്ങനെ സാമൂഹിക പ്രസക്തിയുള്ള വിഷയങ്ങളായിരിക്കും പഠിപ്പിക്കുക. അതേസമയം, രണ്ട്, നാല്, ആറ്, എട്ട്, പത്ത് ക്ലാസുകളില് ഈ വര്ഷം പുതിയ പാഠപുസ്തകങ്ങളാണ്.ഇന്ന് പ്രവേശനോത്സവം നടക്കുന്ന ആലപ്പുഴിലെ കുട്ടനാട്ടിലും പുറക്കാടും വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചിരിക്കുകയാണ്. കാലവര്ഷ കെടുതിമൂലമാണ് കുട്ടനാട്ടിലെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചിരിക്കുന്നത്.
https://www.facebook.com/Malayalivartha

























