നവകേരള സദസ്സിന്റെ പേരില് കരാറുകാരില് നിന്നും പണം ആവശ്യപ്പെട്ടതിന്റെ തെളിവുകളുണ്ടെന്ന് പി വി അന്വര്

നവകേരള സദസ്സിന്റെ പേരില് പൊതുമരാമത്ത് മന്ത്രി പി.എ മുഹമ്മദ് റിയാസും പേഴ്സനല് സ്റ്റാഫ് അംഗങ്ങളും കരാറുകാരോട് പണം ആവശ്യപ്പെടുന്നതിന്റെ ഓഡിയോ, വീഡിയോ തെളിവുകളുണ്ടെന്ന് പി വി അന്വര്. മന്ത്രി മുഹമ്മദ് റിയാസും ആര്യാടന് ഷൗക്കത്തുമാണ് തനിക്കെതിരെ വ്യക്തിഹത്യ നടത്തുന്നത്. വ്യക്തിഹത്യ നടത്തുന്നതിന് പിന്നില് പ്രവര്ത്തിക്കുന്നത് വി ഡി സതീശന് ആയാലും മുഹമ്മദ് റിയാസ് ആയാലും ആര്യാടന് ഷൗക്കത്ത് ആയാലും തലയില് മുണ്ടിട്ട് നിലമ്പൂരില് നിന്ന് ഓടിയൊളിക്കേണ്ട ഗതികേടുണ്ടാകും.
ഇതൊരു മുന്നറിയിപ്പായി പറയുകയാണെന്നും ഒരു പരിധി കഴിഞ്ഞാല് പ്രതിരോധിക്കേണ്ടി വരുമെന്നും അന്വര് പറഞ്ഞു. നവകേരള സദസ്സിന് പിരിവിട്ടാണ് പൈസ കണ്ടെത്തിയത്. എനിക്ക് 50 ലക്ഷം കടം വന്നു. നിയോജക മണ്ഡലം കമ്മിറ്റികള്ക്കായിരുന്നു പണപ്പിരിവിന്റെ ചുമതല. കരാറുകാരില് നിന്ന് മുഹമ്മദ് റിയാസ് നേരിട്ട് പണം പിരിച്ചു. ബലമായാണ് പണം പിരിച്ചത്. എന്നെ വ്യക്തിഹത്യ നടത്തിയാല് അതേ രീതിയില് തിരിച്ചടിക്കും. തെളിവുകള് പുറത്തുവിടുമെന്ന് അന്വര് കൂട്ടിച്ചേര്ത്തു.
https://www.facebook.com/Malayalivartha

























