നാഷണല്‍ എലിജിബിലിറ്റി കം എന്‍ട്രന്‍സ് ടെസ്റ്റ് (നീറ്റ് പി ജി) പരീക്ഷ മാറ്റിവച്ചു.സുതാര്യതയും നിഷ്പക്ഷതയും ഉറപ്പാക്കുന്നതിന് പരീക്ഷ ഒറ്റ ഷിഫ്ടില്‍ നടത്തണമെന്ന് സുപ്രീംകോടതി ഉത്തരവിട്ടതിനെ തുടര്‍ന്നാണ് നടപടി.ഈ നിര്‍ദ്ദേശത്തെ അടിസ്ഥാനമാക്കി, ആദ്യം നിശ്ചയിച്ചിരുന്നതുപോലെ നീറ്റ് പിജി 2025 ഇനി രണ്ട് ഷിഫ്റ്റുകളില്‍ നടത്തില്ലെന്ന് NBEMS സ്ഥിരീകരിച്ചു. എല്ലാ ഉദ്യോഗാര്‍ത്ഥികളെയും ഒറ്റ ഷിഫ്റ്റില്‍ ഉള്‍ക്കൊള്ളുന്നതിനായി NBEMS അധിക പരീക്ഷാ കേന്ദ്രങ്ങളും ആവശ്യമായ അടിസ്ഥാന സൗകര്യങ്ങളും ഒരുക്കുന്നതിനായി പ്രവര്‍ത്തിക്കുകയാണ്. പുതുക്കിയ പരീക്ഷാ തീയതി പിന്നീട്  അറിയിക്കും. നീറ്റ് പി.ജി 2025ന്റെ അഡ്വാന്‍സ്ഡ് സിറ്റി ഇന്റിമേഷന്‍ സ്ലിപ്പ് ജൂണ്‍ 2ന് പുറത്തിറക്കാന്‍ തീരുമാനിച്ചിരുന്നു.