എറണാകുളം മുനമ്പം പള്ളിപ്പുറത്ത് യുവതിയെ ഭര്‍ത്താവ് വെട്ടിക്കൊലപ്പെടുത്തി. പനമ്പള്ളിനഗര്‍ സ്വദേശിനി പ്രീതയെ (43) ഭര്‍ത്താവ് തൈപ്പറമ്പില്‍ വീട്ടില്‍ സുരേഷാണ് വെട്ടിക്കൊന്നത്. തിങ്കളാഴ്ച രാത്രി എട്ടരയോടെയാണ് സംഭവം. ഇരുവരും സ്‌കൂട്ടറില്‍ യാത്ര ചെയ്യുകയായിരുന്നെന്നും സെന്റ് മൈക്കിള്‍ സ്‌കൂളിനു സമീപമെത്തിയപ്പോള്‍ സ്‌കൂട്ടര്‍ നിര്‍ത്തി ഇറങ്ങിയശേഷം നടുറോഡില്‍ പ്രീതയെ സുരേഷ് വെട്ടിക്കൊലപ്പെടുത്തുകയായിരുന്നെന്നുമാണ് വിവരം. ഇതിനു ശേഷം സുരേഷ് മുനമ്പം പൊലീസ് സ്‌റ്റേഷനിലെത്തി കീഴടങ്ങി. കഴുത്തിലടക്കം ശരീരത്തില്‍ ആഴത്തിലാണ് പ്രീതയ്ക്ക് കുത്തേറ്റത്.