വീണ്ടും ആശങ്കയിലാക്കി കൊണ്ട് മറ്റൊരു കപ്പലിലെ കണ്ടെയ്നറുകളും കത്തി..സ്ഥിതിഗതികള് സൂക്ഷ്മമായി നിരീക്ഷിച്ചു വരികയാണെന്ന് കോസ്റ്റ് ഗാര്ഡ്.. തീ പൂര്ണമായും നിയന്ത്രണവിധേയമാക്കി..
കേരളത്തെ വീണ്ടും ആശങ്കയിലാക്കി കൊണ്ട് മറ്റൊരു കപ്പലിലെ കണ്ടെയ്നറുകളും കത്തി. കേരള തീരത്ത് അറബിക്കടലില് വീണ്ടും ചരക്കുകപ്പലില് തീപ്പിടിത്തം. കോസ്റ്റ് ഗാര്ഡിന്റെ വേഗത്തിലുള്ള ഇടപെടലില് തീ നിയന്ത്രണവിധേയമാക്കി. സ്ഥിതിഗതികള് സൂക്ഷ്മമായി നിരീക്ഷിച്ചു വരികയാണെന്ന് കോസ്റ്റ് ഗാര്ഡ് അറിയിച്ചു. മലേഷ്യയിലെ പോര്ട്ട് ക്ലാങ്ങില് നിന്ന് മുംബൈയിലെ നവ ഷേവ തുറമുഖത്തേക്ക് സഞ്ചരിക്കവെ അറബിക്കടലില് കൊച്ചി തീരത്ത് നിന്നും 50 നോട്ടിക്കല് മൈല് അകലെ വെച്ചാണ് തീപിടിത്തം.
സിംഗപ്പൂര് പതാകയുള്ള എംവി ഇന്ററേഷ്യ ടെനാസിറ്റി (IMO 10181445) എന്ന ചരക്കുകപ്പലിലെ കണ്ടെയ്നറുകളില് ഒന്നിലാണ് തീപ്പിപ്പിടിത്തം ഉണ്ടായത്.ഇന്ത്യന് കോസ്റ്റ് ഗാര്ഡിന്റെ അടിയന്തിര രക്ഷാപ്രവര്ത്തനത്തിലൂടെ തീ പൂര്ണമായും നിയന്ത്രണവിധേയമാക്കി. ഇന്നലെ രാവിലെ 8:40നാണ് കപ്പലിലെ ഡെക്കില് സൂക്ഷിച്ചിരുന്ന ഒരു കണ്ടെയ്നറില് തീപിടിച്ചതായി റിപ്പോര്ട്ട് ചെയ്യപ്പെട്ടത്. തീപിടിത്തം ഉണ്ടായ വിവരം അറിഞ്ഞ ഉടന് കോസ്റ്റ്ഗാര്ഡിന്റെ ഓഫ്ഷോര് കപ്പലായ സാചേതിനെ രക്ഷാദൗത്യത്തിനായി നിയോഗിച്ചു.
കോസ്റ്റ്ഗാര്ഡിന്റെ ഡോണിയര് വിമാനവും നിരീക്ഷണത്തിനായി നിയോഗിച്ചു. എന്നാല് കപ്പലിലെ തീ നിയന്ത്രണവിധേയമായെന്ന് മാസ്റ്റര് പിന്നീട് കോസ്റ്റ്ഗാര്ഡിനെ അറിയിക്കുകയായിരുന്നു. കൂടുതല് സഹായം ആവശ്യമില്ലെന്നും വ്യക്തമാക്കി. കപ്പല് ഇപ്പോള് മുംബൈ തീരത്തേക്ക് സഞ്ചരിച്ചുകൊണ്ടിരിക്കുകയാണെന്നും കപ്പലിനെ സൂക്ഷ്മമായിനിരീക്ഷിക്കുന്നുണ്ടെന്നും കോസ്റ്റ്ഗാര്ഡ് വ്യക്തമാക്കി.
https://www.facebook.com/Malayalivartha
