വിമാനത്താവളത്തിലെ ഐ.ബി ഉദ്യോഗസ്ഥ ആത്മഹത്യ ചെയ്ത കേസില്‍ റിമാന്‍ഡിലുള്ള പ്രതി സുകാന്ത് സുരേഷിനെ (31) തെളിവെടുപ്പിനായി പേട്ട പൊലീസ് രാജസ്ഥാനിലേക്ക്‌കൊണ്ടുപോയി. പത്ത് ദിവസത്തേയ്ക്കാണ് കോടതി കസ്റ്റഡിയില്‍ വിട്ടത്.

രാജസ്ഥാനിലെ ജോദ്പൂരിലും ഉദയ്പൂരിലുമെത്തിച്ച് തെളിവെടുപ്പ് നടത്തുകയും ചെയ്യും. ജോദ്പൂരിലെ പരിശീലന കാലയളവിലാണ് ഐ.ബി ഉദ്യോഗസ്ഥയുമായി സുകാന്ത് പരിചയപ്പെടുന്നത്. ഉദയ്പൂരില്‍ വച്ചാണ് വിവാഹ വാഗ്ദാനം നല്‍കി പീഡിപ്പിച്ചത്.

തുടര്‍ന്ന് ചെന്നൈയിലും കൊച്ചിയിലെ ഫ്‌ളാറ്റിലുമെത്തിച്ച് തെളിവെടുക്കുകയും ചെയ്യും. ഇവിടങ്ങളില്‍ വച്ചും പീഡിപ്പിച്ചിരുന്നു. എമിഗ്രേഷന്‍ അസിസ്റ്റന്റായ മറ്റൊരു യുവതിയുമായും ഇയാള്‍ക്ക് ബന്ധമുണ്ടായിരുന്നു. വിവാഹം വാഗ്ദാനം നല്‍കി ഇവരെയും പീഡിപ്പിച്ചിരുന്നതായി അന്വേഷണത്തില്‍ കണ്ടെത്തി. ഐ.എ.എസ് പരിശീലന ക്ലാസ് നടത്തിയിരുന്നപ്പോള്‍ മറ്റൊരു യുവതിയെ സമാനരീതിയില്‍ പീഡിപ്പിച്ചിരുന്നതായും പേട്ട പൊലീസ്.