വിവിധ മെഡിക്കല്‍, അനുബന്ധ പ്രവേശനത്തിനായുള്ള നീറ്റ് യു.ജി പരീക്ഷയില്‍ രാജസ്ഥാന്‍ സ്വദേശി മഹേഷ് കുമാര്‍ ദേശീയ തലത്തില്‍ ഒന്നാം റാങ്ക് നേടി. 720ല്‍ 686 മാര്‍ക്ക് ലഭിച്ചു. ദീപ്നിയ .ഡി.ബിക്കാണ് കേരളത്തില്‍ ഒന്നാം റാങ്ക്. കോഴിക്കോട് പേരാമ്പ്ര ആവള സ്വദേശിയാണ്. ദേശീയതലത്തില്‍ 109ാം റാങ്കാണ്.

അദ്ധ്യാപകരായ ദിനേശന്‍, ബിജി ദമ്പതികളുടെ മകളാണ് ദീപ്നിയ. സഹോദരന്‍ ദീപ്‌ദേവ് എട്ടാം ക്ലാസ് വിദ്യാര്‍ത്ഥിയാണ്. neet.nta.nic.in, exams.nta.ac.in. ഫലം വെബ്‌സൈറ്റില്‍ ലഭ്യമാണ്. ഇതോടൊപ്പം അന്തിമ ഉത്തരസൂചികയും ലഭിക്കും.ദേശീയതലത്തില്‍ ആദ്യ 10ല്‍ ഒന്‍പതുറാങ്കും ആണ്‍കുട്ടികള്‍ക്കാണ്.

മദ്ധ്യപ്രദേശിലെ ഉത്കര്‍ഷ് അവാദിയയും മഹാരാഷ്ട്രയിലെ കൃഷാംഗ് ജോഷിയും രണ്ടാം റാങ്ക് നേടി. കേരളത്തില്‍ 73,328 പേരാണ് യോഗ്യത കരസ്ഥമാക്കിയത്.