കൊച്ചിയില്‍ റേഞ്ച് റോവര്‍ അപകടത്തില്‍ യുവാവ് മരിച്ച സംഭവത്തില്‍ കാരണം കണ്ടെത്താന്‍ മോട്ടോര്‍ വാഹന വകുപ്പിന്റെ പരിശോധന തുടരുന്നു..
കൊച്ചിയില്‍ റേഞ്ച് റോവര്‍ അപകടത്തില്‍ യുവാവ് മരിച്ച സംഭവത്തില്‍ കാരണം കണ്ടെത്താന്‍ മോട്ടോര്‍ വാഹന വകുപ്പിന്റെ പരിശോധന തുടരുന്നു.
കാര്‍ ലോറിയില്‍ നിന്ന് ഇറക്കി ഓടിച്ചയാളുടെ മൊഴി ഇന്നെടുക്കും. കാര്‍ പിന്നിലോട്ട് ഇറക്കിയപ്പോള്‍ നിയന്ത്രണം നഷ്ടമായെന്ന് എംവിഡി . കാറിന്റെ ടയര്‍ പൊട്ടിയിട്ടും പിന്നോട്ട് അതിവേഗം കുതിക്കുകയായിരുന്നു. പിന്നില്‍ ഇടിച്ചു നിന്ന കാര്‍ ഓഫ് ആയിരുന്നു. പിന്നീട് സ്റ്റാര്‍ട്ട് ആക്കിയപ്പോള്‍ അതിവേഗം മുന്നോട്ട് കുതിച്ചു പോസ്റ്റില്‍ ഇടിച്ച് നിന്നുവെന്നും എംവിഡി വിശദീകരിക്കുന്നു.
കാര്‍ പുറത്തിറക്കുന്നതിനിടെ കാറിനടിയില്‍പ്പെട്ടാണ് ഷോറൂം ജീവനക്കാരനായ യുവാവ് മരണമടഞ്ഞത്. അപകട കാരണം മാനുഷിക പിഴവോ യന്ത്രതകരാറാണോ എന്നതില്‍ പൊലീസ് അന്വേഷണം ആരംഭിച്ചിരുന്നു.
അപകടത്തിന് പിന്നാലെ കാര്‍ ഇറക്കാനായി എത്തിയ തൊഴിലാളികളുടെ പ്രവര്‍ത്തനപരിചയത്തിലടക്കം ചോദ്യങ്ങളുയര്‍ന്നിട്ടുണ്ടായിരുന്നു. യൂണിയന്‍ തൊഴിലാളികളായ അന്‍ഷാദും അനീഷുമായിരുന്നു കാര്‍ ഇറക്കാനെത്തിയത്. ഇരുവരും മുന്‍പ് ഇതേ യാര്‍ഡിലടക്കം കാറുകള്‍ ഇറക്കിയിരുന്നതായും അപകടകാരണം അന്വേഷിക്കണമെന്നും സിഐടിയു കാര്‍ ഡ്രൈവേര്‍സ് യൂണിയന്‍ ഇടപ്പളളി മേഖലാ സെക്രട്ടറി എന്‍പി തോമസ് പറഞ്ഞു.
അതേസമയം അപകടം നടന്ന ദിവസം അന്‍ഷാദായിരുന്നു ലോറിയില്‍ നിന്നും ഇറക്കുന്ന കാറിന്റെ നിയന്ത്രണം ഏറ്റെടുത്തത്. അനീഷും റോഷനും വശങ്ങളില്‍ നിര്‍ദേശം നല്‍കാനായും നിന്നു. ഇതിനിടെയാണ് നിയന്ത്രണം വിട്ട കാര്‍ ഇരുവര്‍ക്കും നേരെ പാഞ്ഞെത്തിയത്. അപകടമെന്ന് മനസിലാക്കും മുന്‍പ് റോഷന്റെ മേല്‍ കാര്‍ കയറി ഇറങ്ങിയിരുന്നു..
https://www.facebook.com/Malayalivartha
