പനിബാധിച്ച് അഞ്ചുവയസുകാരന്‍ മരിച്ചു. ഇടമലക്കുടി കൂടലാര്‍ക്കുടി സ്വദേശി മൂര്‍ത്തി ഉഷ ദമ്പതികളുടെ മകന്‍ കാര്‍ത്തിക്കാണ് മരിച്ചത്. അസുഖബാധിതനായ കുട്ടിയെ കിലോമീറ്ററുകള്‍ ചുമന്നാണ് മാങ്കുളത്തെ ആശുപത്രിയില്‍ എത്തിച്ചത്.

അവിടെ നിന്ന് ആരോഗ്യസ്ഥിതി വഷാളായതിനാല്‍ കുട്ടിയെ അടിമാലി ആശുപത്രിയിലേക്ക് റഫര്‍ ചെയ്തു. അടിമാലി താലൂക്കാശുപത്രിയിലേക്കെത്തും വഴി കുട്ടി മരണത്തിന് കീഴടങ്ങുകയായിരുന്നു. കാട്ടിലൂടെ ആളുകള്‍ ചുമന്നാണ് കുഞ്ഞിന്റെ മൃതദേഹം തിരികെ വീട്ടിലെത്തിച്ചത്.