2025 ഓണാഘോഷവുമായി ബന്ധപ്പെട്ട മുന്നൊരുക്ക പ്രവർത്തനങ്ങൾ വിലയിരുത്തുന്നതിന് യോഗം ചേർന്നുവെന്ന് മേയർ ആര്യ രാജേന്ദ്രൻ അറിയിച്ചു. ഓണ നാളുകളിലെ ശുചീകരണ പ്രവർത്തനങ്ങൾ, ഗ്രീൻ പ്രോട്ടോക്കോൾ പാലിക്കൽ എന്നിവയായിരുന്നു യോഗത്തിലെ പ്രധാന ചർച്ചാവിഷയങ്ങൾ.

ഘോഷയാത്ര ദിവസവും മറ്റ് ദിവസങ്ങളിലും നഗരസഭ പൊതുയിടങ്ങളിൽ സ്ഥാപിച്ചിരിക്കുന്ന ബിന്നുകളിൽ മാത്രം മാലിന്യം നിക്ഷേപിക്കണമെന്ന് പൊതുജനങ്ങളോട് അഭ്യർത്ഥിക്കുന്നു. ഓണാഘോഷവുമായി ബന്ധപ്പെട്ട് നഗരത്തിലെ മുഴുവൻ കലാപരിപാടികളുടെ വേദികളും പരിസരവും നഗരസഭയുടെ നേതൃത്വത്തിൽ ശുചീകരണ പ്രവർത്തനങ്ങൾ നടത്തുന്നതായിരിക്കും.

നഗരസഭയ്ക്കും സർക്കാരിനുമൊപ്പം മാലിന്യ മുക്തം നവകേരളം പദ്ധതിയുടെ ഭാഗമായി നമ്മുടെ നഗരം ശുചിയായി സൂക്ഷിക്കുവാൻ ഏവരും പങ്കുചേരണം എന്നും അഭ്യർത്ഥിക്കുന്നു.