മുന്‍ അക്കൗണ്ടന്റ് ജനറല്‍ ജയിംസ് കെ.ജോസഫ് (76) അന്തരിച്ചു. ഇന്നലെ രാത്രി 10മണിയോടെ സ്വകാര്യ ആശുപത്രിയിലായിരുന്നു അന്ത്യം. കേരള, മഹാരാഷ്ട്ര, തമിഴ്‌നാട് സംസ്ഥാനങ്ങളുടെ അക്കൗണ്ടന്റ് ജനറലായി പ്രവര്‍ത്തിച്ച അദ്ദേഹം കെ.എസ്.ആര്‍.ടി.സി എം.ഡിയായും കെ.സി.ഡി.എഫ്.സി എം.ഡിയായും പ്രവര്‍ത്തിച്ചിട്ടുണ്ടായിരുന്നു.

ദീപികയുടെ മാനേജിംഗ് എഡിറ്ററുമായിരുന്നു. കെ.കരുണാകരന്റെ ഭരണകാലത്തെ പാമോയില്‍ ഇടപാടിലെ ക്രമക്കേട് കണ്ടത്തിയത് ജയിംസ് കെ.ജോസഫ് അക്കൗണ്ടന്റ് ജനറല്‍ ആയിരുന്നപ്പോഴാണ്.


പൊന്‍ക്കുന്നം കരിക്കാട്ടുക്കുന്നേല്‍ മുന്‍ വിദ്യാഭ്യാസ ഡയറക്ടര്‍ എം.വി. ജോസഫിന്റെ മകനാണ്. ഭാര്യ ഷീലാ ജയിംസ് (മുന്‍ മന്ത്രി ബേബി ജോണിന്റെ മകള്‍). മക്കള്‍ : ശാലിനി ജയിംസ്,തരുണ്‍ ജയിംസ്, രശ്മി ജയിംസ്. ഭൗതിക ശരീരം തിരുവനന്തപുരം പി.ടി.പി നഗറിലെ വസതിയില്‍ എത്തിക്കും. സംസ്‌കാരം ആഗസ്റ്റ് 27ന് വൈകിട്ട് 4 മണിക്ക് മുട്ടട ഹോളി ക്രോസ് ദേവാലയത്തില്‍ നടക്കും.