സി കെ ജാനു എന്‍ഡിഎ വിട്ടു
ആദിവാസി നേതാവ് സി.കെ. ജാനുവിന്റെ നേതൃത്വത്തിലുള്ള ജനാധിപത്യ രാഷ്ട്രീയ പാര്‍ട്ടി (ജെ.ആര്‍,പി ) എന്‍.ഡി.എ വിട്ടു. എന്‍.ഡി.എയില്‍ നിന്ന് നിരന്തരം അവഗണന നേരിട്ടതായി സി.കെ. ജാനു പറഞ്ഞു. ഇതേത്തുടര്‍ന്നാണ് ജാനു അടക്കമുള്ള ജനാധിപത്യ രാഷ്ട്രീയ പാര്‍ട്ടി പ്രവര്‍ത്തകര്‍ എന്‍.ഡി.എയില്‍ തുടരേണ്ടതില്ലെന്ന് തീരുമാനമെടുത്തത്.
ഇന്ന് കോഴിക്കോട്ട് ചേര്‍ന്ന സംസ്ഥാന കമ്മിറ്റി യോഗമാണ് എന്‍.ഡി.എ വിടാന്‍ തീരുമാനിച്ചത്. മറ്റു മുന്നണികളുമായി സഹകരിക്കുന്ന കാര്യത്തിലടക്കം പിന്നീട് തീരുമാനമെടുക്കും. ഇപ്പോള്‍ സ്വതന്ത്രമായി നില്‍ക്കാനാണ് തീരുമാനമെന്ന് ജാനു അറിയിച്ചു.
നിലവില്‍ എന്‍.ഡി,എ മുന്നണിയില്‍ നിന്ന് വിട്ടുനില്‍ക്കാന്‍ തീരുമാനിച്ചു. തുടര്‍ന്ന് പാര്‍ട്ടി ശക്തമായി പ്രവര്‍ത്തന ക്ഷമമാക്കുന്നതിനും ത്രിതല പഞ്ചായത്ത് തിരഞ്ഞെടുപ്പിന് മുന്നോടിയായി തയ്യാറെടുപ്പുകള്‍ തുടങ്ങാനും കീഴ്ഘടകങ്ങള്‍ക്ക് നിര്‍ദേശം നല്‍കിയെന്നും ജാനു പ്രസ്താവനയില്‍ അറിയിച്ചു.
https://www.facebook.com/Malayalivartha
