പശുവിനെ രാഷ്ട്രമാതാവായി പ്രഖ്യാപിക്കണമെന്ന് ഗുജറാത്തിലെ കോണ്‍ഗ്രസ് നേതൃത്വം നിയമസഭയിലുള്‍പ്പെടെ ആവശ്യപ്പെട്ടതോടെ ശരിക്കും പുലിവാല് പിടിച്ചത്, കേരളത്തിലെ ഉള്‍പ്പെടെയുള്ള കോണ്‍ഗ്രസ് നേതൃത്വമാണ്. പശു അമ്മയാണോ എന്ന് കളിയാക്കി നടന്ന വിടി ബല്‍റാമുള്‍പ്പെടെയുള്ളവര്‍ക്കാണ് പ്രശ്‌നം ശരിക്കും തിരിച്ചടിയായത്. നവമാധ്യമങ്ങളിലെ സജീവമായ ചര്‍ച്ചകള്‍ക്ക് മറുപടിയായി അവരെ തള്ളിപ്പറഞ്ഞുകൊണ്ടാണ് ബല്‍റാം ഫെയ്‌സ്ബുക്കില്‍ പ്രതികരിച്ചിരിക്കുന്നത്. ഗുജറാത്തിലെ ഒ.കെ. വാസുവാണ് ശങ്കര്‍ സിംഗ് വഗേലയെന്നായിരുന്നു രക്ഷപ്പെടാന്‍ ബല്‍റാമിന്റെ വാദം. കോണ്‍ഗ്രസ് എന്താണെന്നും എന്തായിരിക്കണമെന്നുമറിയാത്ത ചിലര്‍ വളഞ്ഞവഴിയിലൂടെ കോണ്‍ഗ്രസില്‍ എത്തിയിട്ടുണ്ടെന്നും കോണ്‍ഗ്രസ് എംഎല്‍എയായ ബല്‍റാം പറഞ്ഞുവെച്ചിട്ടുണ്ട്. ഒരു സംസ്ഥാനത്തെ കോണ്‍ഗ്രസിന്റെ പ്രധാന നേതൃത്വത്തെയാകെ കോണ്‍ഗ്രസാകാന്‍ യോഗ്യതയില്ലാത്തവരെന്ന് ആക്ഷേപിച്ച് വിഷയത്തില്‍ നിന്ന് രക്ഷപ്പെടാനായിരുന്നു ബല്‍റാമിന്റെ ശ്രമം. ഇതിനെതിരെയും ശക്തമായ പരിഹാസങ്ങള്‍ ഉയര്‍ന്നുവരുന്നുണ്ട്. ജാര്‍ഖണ്ഡിലെ കൊലപാതകം കൂടിയായപ്പോള്‍, വിഷയം നവമാധ്യമങ്ങളില്‍ സജീവ ചര്‍ച്ചയാകുകയാണ്.
മുന്‍പ് ബീഫ് കഴിച്ചുവെന്നാരോപിച്ച് ആളുകളെ തല്ലിക്കൊന്ന സംഭവത്തിനെതിരെയുള്‍പ്പെടെ ബല്‍റാമുള്‍പ്പെടെ ശക്തമായി പ്രതികരിച്ചിരുന്നു. പശുവിന്റെ പേരില്‍ ജനത്തെ വേട്ടയാടുന്നതിനെതിരെ രാജ്യസഭയിലെ പ്രതിപക്ഷനേതാവ് ഗുലാംനബി ആസാദ് പ്രധാനമന്ത്രിക്ക് കഴിഞ്ഞ ദിവസം കത്തുമയച്ചിരുന്നു. ഇതിനെല്ലാമിടെയാണ് ഗുജറാത്തിലെ കോണ്‍ഗ്രസിന്റെ നിലപാട് വീണ്ടും നവമാധ്യമങ്ങളില്‍ സജീവ ചര്‍ച്ചയായത്. ഗുജറാത്തില്‍ പശുവിനെ രാഷ്ട്രമാതാവാക്കണമെന്ന ആവശ്യവുമായി സമരരംഗത്തിറങ്ങിയവരെ പരസ്യമായി പിന്തുണച്ചുകൊണ്ടാണ് ഗുജറാത്തിലെ കോണ്‍ഗ്രസ് നേതൃത്വം രംഗത്തെത്തിയത്. പശുവിനെ മാതാവായി പ്രഖ്യാപിക്കുകയാണെങ്കില്‍ തങ്ങള്‍ പിന്തുണയ്ക്കുമെന്നും കോണ്‍ഗ്രസ് പരസ്യമായി പ്രഖ്യാപിച്ചു കഴിഞ്ഞു. കഴിഞ്ഞ ദിവസം ഈ ആവശ്യമുന്നയിച്ച് ഗുജറാത്തില്‍ ഗോരക്ഷാ ഏകതാ സമിതിയുടെ പ്രവര്‍ത്തകര്‍ ആത്മഹത്യയ്ക്ക് ശ്രമിച്ചിരുന്നു. അതേസമയം വിഷയത്തില്‍, ബിജെപി മൗനം പാലിക്കുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha