ആരും മറന്ന് കാണില്ല ഈ പോലീസ്സുകാരനെ. സോഷ്യല്‍മീഡിയ അത്രക്ക് അഘോഷമാക്കിയിരുന്നു ഇദേഹത്തിന്റെ വീഡിയോ. ഡല്‍ഹി മെട്രോയില്‍ കുടിച്ച് ലക്കുകെട്ട് താഴെ വീണ മലയാളിയായ സലിം എന്ന പൊലീസുകാരനെ ലോകം മുഴുവന്‍ മദ്യപാനിയായി ചിത്രികരിച്ച് കളിയാക്കി. സോഷ്യല്‍മീഡിയ ഒരുപാട് ആഘോഷിച്ചിരുന്നു അദ്ദേഹത്തിന്റെ വൈറല്‍ വിഡിയോ. മദ്യപാനിയെന്ന് സലിമിനെ മുദ്ര കുത്തിയ സോഷ്യല്‍മീഡിയ ഒരു സത്യം ഏറെ വൈകി അറിയു, മദ്യപിച്ചതിനാലല്ല സലിം ലക്കുകെട്ട് പെരുമാറിയത്. മൂന്ന് വര്‍ഷം മുമ്പ് കടുത്ത സ്‌ട്രോക്ക് വന്ന അദ്ദേഹത്തിന് ശരീരത്തിന് തളര്‍ച്ചയുണ്ട്, മുഖപേശികള്‍ കോടിപ്പോയതിനാല്‍ സംസാരവൈകല്യവും നിലനില്‍ക്കുന്നു. ശാരീരികമായി അവശനായ ഒരാളെയാണ് ഇത്രയുംനാള്‍ മദ്യപാനിയെന്നു വിളിച്ചു പരിഹസിച്ചത്.

ആഗസ്ത് 19, 2015നാണ് സലിമിന്റെ വിഡിയോ യൂട്യൂബില്‍ പ്രത്യക്ഷപ്പെടുന്നത്. വിഡിയോ വൈറലായതോടെ അദ്ദേഹത്തെ സസ്‌പെന്‍ഡ് ചെയ്തു. സംഭവങ്ങളെല്ലാം അറിഞ്ഞ ഭാര്യ ഹൃദ്‌രോഗിയായി മാറി. സലിം നല്‍കിയ പരാതിയുടെ അടിസ്ഥാനത്തില്‍ അന്വേഷണം ആരംഭിക്കുകയും അദ്ദേഹത്തിന് പക്ഷാഘാതമാണെന്ന് തിരിച്ചറിയുകയുമായിരുന്നു. തുടര്‍ന്നാണ് സലിമിന്റെ സസ്‌പെന്‍ഷന്‍ പിന്‍വലിച്ചത്.
വിഡിയോ വൈറലായ സമയത്ത് ഡല്‍ഹി പൊലീസ് കമ്മീഷണര്‍ ബി.എസ് ബസ്സിയോട് താന്‍ മദ്യപിച്ചതല്ല, മരുന്ന് കഴിക്കാത്തതിനാല്‍ ക്ഷീണം മൂലം കാല്‍ ഉറയ്ക്കാതെ പോയതാണെന്ന് കേണപേക്ഷിച്ച് പറഞ്ഞതാണ്, എന്നാല്‍ അന്ന് ആരും അത് ചെവിക്കൊണ്ടില്ല. ദേശീയ മാധ്യമങ്ങളുള്‍പ്പടെ വലിയ വാര്‍ത്തയാക്കിയതാണ് സലിമിന്റെ വിഷമം. എന്നാല്‍ ജോലിയില്‍ തിരിച്ചെടുത്ത വിവരം ഒരു മാധ്യമവും ഇതുവരെ റിപ്പോര്‍ട്ട് ചെയ്തിട്ടില്ല. അടുത്തബന്ധുകള്‍ക്ക് മാത്രമേ സലിമിന്റെ നിരപരാധിത്വം അറിയൂ. പക്ഷെ മറ്റുള്ളവരുടെ മുന്നിലിപ്പോഴും മദ്യപാനിയായ ആ പോലീസുകാരന്‍ നഷ്ടപ്പെട്ട അഭിമാനം വീണ്ടെടുക്കാന്‍ മാനനഷ്ടകേസ് ഫയല്‍ ചെയ്തിരിക്കുകയാണ്. ചികിത്സയെത്തുടര്‍ന്ന് മൂന്ന് മാസത്തെ അവധിയ്ക്ക് സലിം നാട്ടിലെത്തിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha