കൊല്ലം നിയമസഭാ മണ്ഡലത്തില്‍ മുകേഷിനെ സ്ഥാനാര്‍ത്ഥിയാക്കാനുള്ള തീരുമാനത്തിന് സിപിഐഎം ജില്ല കമ്മിറ്റിയുടെ അംഗീകാരം. കൊല്ലത്തിന്റെ ചുമതലയുള്ള സംസ്ഥാന സെക്രട്ടറിയേറ്റ് അംഗം എം വി ഗോവിന്ദന്‍ മാസ്റ്ററുടെ സാന്നിധ്യത്തില്‍ ചേര്‍ന്ന ജില്ല കമ്മിറ്റിയിലായിരുന്നു തീരുമാനം.
രാവിലെ ചേര്‍ന്ന ജില്ല സെക്രട്ടറിയേറ്റില്‍ മുകേഷിന്റെ സ്ഥാനാര്‍ത്ഥിത്വത്തില്‍ തീരുമാനം ജില്ല കമ്മിറ്റിയ്ക്ക് വിടുകയായിരുന്നു. പുറത്തുനിന്നുള്ള സ്ഥാനാര്‍ത്ഥിയെ മത്സരിപ്പിക്കുന്നത് കീഴ്ഘടകങ്ങളില്‍ എതിര്‍പ്പുണ്ടാകാന്‍ സാധ്യതയുണ്ടെന്ന അഭിപ്രായം ഉയര്‍ന്ന സാഹചര്യത്തിലായിരുന്നു തീരുമാനം ജില്ല കമ്മിറ്റിയ്ക്ക് വിട്ടത്. പി കെ ഗുരുദാസനെ അനുകൂലിച്ച് മണ്ഡലത്തില്‍ പോസ്റ്ററുകള്‍ പതിച്ചത് അന്വേഷിക്കാനും തീരുമാനിച്ചിട്ടുണ്ട്. ഇരവിപുരം മണ്ഡലത്തിലായിരുന്നു മുകേഷിന്റെ പേര് നിര്‍ദ്ദേശിച്ചിരുന്നത്.
ആര്‍ എസ് ബാബുവിന്റെ പേര് ഒരു വിഭാഗം എതിര്‍ത്തതോടെയാണ് മുകേഷിന്റെ പേര് ഉയര്‍ന്നു വന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha