ലൈംഗിക പീഡനത്തിന് ഇരയായ പതിനാറുകാരി ആത്മഹത്യ ചെയ്തു
വയനാട്ടില് ബന്ധുവും അയല്വാസിയും ലൈംഗിക പീഡനത്തിന് ഇരയായ പതിനാറുകാരി വീട്ടില് തൂങ്ങിമരിച്ച നിലയില്. തിങ്കളാഴ്ചയാണ് പ്ലസ് വണ് വിദ്യാര്ഥിനിയെ മരിച്ചനിലയില് കണ്ടത്. കുട്ടിയെ പീഡിപ്പിച്ച കേസില് ബന്ധുവിനെയും അയല്വാസിയെയും പൊലീസ് നേരത്തേ അറസ്റ്റ് ചെയ്തിരുന്നു. ചൈല്ഡ് ലൈനിന്റെ കൗണ്സിലിങ്ങിലാണ് കുട്ടി പീഡനവിവരം പറഞ്ഞത്.
ഇത് സ്കൂള് അധികൃതര് ഈ മാസം 10ന് പൊലീസിനെ അറിയിക്കുകയായിരുന്നു. പോക്സോ കേസെടുത്ത പൊലീസ് പ്രതികളെ അറസ്റ്റ് ചെയ്തെങ്കിലും പീഡനത്തെത്തുടര്ന്നുണ്ടായ കടുത്ത മാനസിക വിഷമമാണ് പെണ്കുട്ടിയുടെ ആത്മഹത്യയിലേക്കു നയിച്ചതെന്നാണ് പ്രാഥമിക നിഗമനം.
2024-25 കാലത്ത് പെണ്കുട്ടി പലതവണ പീഡനത്തിന് ഇരയായിരുന്നുവെന്നാണ് സൂചന. സ്കൂള് അധികൃതര് പൊലീസിനെ വിവരം അറിയിച്ച ശേഷവും കുട്ടിക്കു മാനസിക പിന്തുണ നല്കുന്നത് കൃത്യമായി ഉറപ്പാക്കാനായില്ലെന്നും ആക്ഷേപമുണ്ട്. മാതാപിതാക്കള് വേര്പിരിഞ്ഞ ശേഷം പിതാവിനൊപ്പമായിരുന്നു കുട്ടി താമസിച്ചിരുന്നത്. പൊലീസ് അസ്വാഭാവിക മരണത്തിന് കേസെടുത്ത് കൂടുതല് അന്വേഷണം തുടങ്ങി.
https://www.facebook.com/Malayalivartha
