വീണ വിജയന് ICU-ൽ നാളെ ഹാജരാകില്ല..ED-ക്ക് EMAIL.. ആശുപത്രി വളഞ്ഞ് അറസ്റ്റ്..! ഒരു മുഴം മുന്നേ എറിഞ്ഞ്..!
രാഷ്ട്രീയ കേരളത്തെ പിടിച്ചുകുലുക്കിയ കരിമണല് കമ്പനി മാസപ്പടി കേസില് കേന്ദ്ര അന്വേഷണ ഏജന്സിയായ എന്ഫോഴ്സ്മെന്റ് ഡയറക്ടറേറ്റിന്റെ കടുത്ത നീക്കങ്ങള്ക്ക് മുന്നില് മുന് മുഖ്യമന്ത്രിയും നിലവിലെ പ്രതിപക്ഷ നേതാവുമായ പിണറായി വിജയന്റെ കുടുംബം അക്ഷരാര്ത്ഥത്തില് വലിയ പ്രതിസന്ധിയിലാകുന്നു. നാളെ കൊച്ചിയിലെ അന്വേഷണ ഏജന്സി ആസ്ഥാനത്ത് ചോദ്യം ചെയ്യലിനായി ഹാജരാകാന് നോട്ടീസ് ലഭിച്ചിരുന്ന പ്രതിപക്ഷ നേതാവിന്റെ മകളും ഐടി കമ്പനി ഉടമയുമായ വീണ തൈക്കണ്ടിയില് നാളെ ഹാജരാകില്ലെന്ന് ഔദ്യോഗികമായി അറിയിച്ചു. പെട്ടെന്നുണ്ടായ ആരോഗ്യ പ്രശ്നങ്ങള് കാരണമാണ് നാളെ എത്താന് സാധിക്കാത്തതെന്നും മറ്റൊരു ദിവസം ചോദ്യം ചെയ്യലിന് ഹാജരാകാമെന്നും കാണിച്ച് വീണ അന്വേഷണ ഉദ്യോഗസ്ഥര്ക്ക് അടിയന്തിരമായി ഇമെയില് സന്ദേശം അയക്കുകയായിരുന്നു. എന്നാല് വീണയുടെ ഈ നീക്കത്തെ നിയമപരമായി പ്രതിരോധിക്കാനും വൈകാതെ തന്നെ പുതിയൊരു തീയതി നല്കി ചോദ്യം ചെയ്യലിന് ഹാജരാക്കാന് കടുത്ത നടപടികളിലേക്ക് നീങ്ങാനുമാണ് അന്വേഷണ ഏജന്സിയുടെ തീരുമാനം.
നാളെ ചോദ്യം ചെയ്യലിന് ഹാജരായാല് കേന്ദ്ര ഏജന്സി അറസ്റ്റ് ചെയ്തേക്കുമെന്ന കടുത്ത ഭയമാണ് അവസാന നിമിഷം ഇമെയില് അയച്ച് മാറിനില്ക്കാന് വീണയെ പ്രേരിപ്പിച്ചതെന്നാണ് പുറത്തുവരുന്ന സൂചനകള്. സാധാരണ ഇത്തരം കേസുകളില് അറസ്റ്റ് ഒഴിവാക്കാനായി പ്രതികള് കോടതികളില് മുന്കൂര് ജാമ്യഹര്ജി നല്കുകയാണ് പതിവ്. എന്നാല് ഈ കേസില് സാമ്പത്തിക കുറ്റകൃത്യങ്ങളുടെ കേസ് രജിസ്റ്റര് ചെയ്യുന്നതുമായി ബന്ധപ്പെട്ട സാങ്കേതിക വിവരങ്ങള് ഔദ്യോഗികമായി ലഭ്യമാകാത്തത് കാരണം വീണയ്ക്ക് കോടതിയില് മുന്കൂര് ജാമ്യഹര്ജി നല്കാന് സാധിക്കാത്ത നിയമപരമായ വലിയ പ്രതിസന്ധിയാണ് നിലവിലുള്ളത്. ഇതോടെ നിയമപരമായ മറ്റ് സംരക്ഷണങ്ങള് ഒന്നും ലഭിക്കാതെ അന്വേഷണ ഉദ്യോഗസ്ഥര്ക്ക് മുന്നിലേക്ക് നേരിട്ടെത്തുന്നത് കടുത്ത അപകടമാണെന്ന് പ്രതിപക്ഷ നേതാവിന്റെ കുടുംബവും അവരുടെ നിയമവിദഗ്ദ്ധരും വിലയിരുത്തുന്നു.
ഇല്ലാത്ത ചെലവുകള് കാണിച്ച് കള്ളപ്പണ ഇടപാടുകളും ക്രമക്കേടുകളും കരിമണല് കമ്പനിയുമായി ബന്ധപ്പെട്ട് നടന്നിട്ടുണ്ടെന്ന ഗുരുതരമായ കണ്ടെത്തലുകളുടെ അടിസ്ഥാനത്തിലാണ് മുന് മുഖ്യമന്ത്രിയുടെ മകളെ കേന്ദ്ര ഏജന്സി ചോദ്യം ചെയ്യാന് വിളിച്ചിരിക്കുന്നത്. മുന്പ് കമ്പനി കാര്യ മന്ത്രാലയത്തിന്റെ കീഴിലുള്ള സീരിയസ് ഫ്രോഡ് ഇന്വെസ്റ്റിഗേഷന് ഓഫീസ് നടത്തിയ വിശദമായ അന്വേഷണത്തിലാണ് ഈ വന് ക്രമക്കേടുകള് കണ്ടെത്തിയത്. സ്വകാര്യ കരിമണല് കമ്പനിയില് നിന്നും വീണയ്ക്ക് രണ്ട് കോടി എഴുപത്തിയെട്ട് ലക്ഷം രൂപയും മറ്റൊരു ധനകാര്യ സ്ഥാപനത്തില് നിന്ന് അമ്പത് ലക്ഷം രൂപയുടെ വായ്പയും ലഭിച്ചിരുന്നു. ഈ കോടിക്കണക്കിന് രൂപയുടെ സാമ്പത്തിക ഇടപാടുകളില് കള്ളപ്പണം വെളുപ്പിക്കല് നടന്നിട്ടുണ്ടോ എന്നാണ് എന്ഫോഴ്സ്മെന്റ് ഡയറക്ടറേറ്റ് പ്രധാനമായും അന്വേഷിക്കുന്നത്.
https://www.facebook.com/Malayalivartha
