ശബരിമലയിലെ ശ്രീകോവിലിന്റെ സ്വര്‍ണം പൊതിഞ്ഞ മേല്‍ക്കൂരയില്‍ വീണത് നെയ്യ് തന്നെയെന്ന് ഉദ്യോഗസ്ഥരുടെ സ്ഥിരീകരണം. നിറ വ്യത്യാസം ശ്രദ്ധയില്‍പ്പെട്ട മൂന്നിടവും കഴുകി വൃത്തിയാക്കി. സ്‌പെഷ്യല്‍ കമ്മീഷണറുടെ അനുമതിയോടെയാണ് മേല്‍ക്കൂര കഴുകിയത്. ഇതര സംസ്ഥാന തീര്‍ത്ഥാടകരാണ് മേല്‍ക്കൂരയിലേക്ക് നെയ്യൊഴിച്ചതെന്നും കണ്ടെത്തി.

ഇന്നലെയാണ് ശബരിമലയിലെ സ്വര്‍ണ്ണം പൊതിഞ്ഞ ശ്രീകോവിലിന്റെ മുകളില്‍ നിറവ്യത്യാസം കണ്ടെത്തിയത്. ശ്രീകോവിലിന്റെ സ്വര്‍ണ്ണ മേല്‍ക്കൂരയിലെ നിറവ്യത്യാസം ശ്രദ്ധയില്‍പ്പെട്ട ഉടന്‍ തന്നെ തിരുവാഭരണ കമ്മീഷണര്‍ അടക്കമുള്ള പ്രമുഖ ഉദ്യോഗസ്ഥര്‍ സ്ഥലത്ത് എത്തുകയും വിശദമായ പരിശോധന നടത്തുകയും ചെയ്തിരുന്നു. ഈ പരിശോധനകള്‍ക്ക് ശേഷമാണ് നിറവ്യത്യാസത്തിന് കാരണം നെയ്യ് തന്നെയെന്ന് സ്ഥിരീകരിച്ചത്. തുടര്‍ന്നാണ് ഇന്ന് മേല്‍ക്കൂര കഴുകി വൃത്തിയാക്കിയത്.