മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): സന്താനങ്ങൾക്കോ മാതാപിതാക്കൾക്കോ രോഗാദി ദുരിതങ്ങൾ അനുഭവപ്പെടാൻ സാധ്യതയുണ്ട്. മാനസിക പിരിമുറുക്കം കൂടാനും ഉറക്കക്കുറവ് അനുഭവപ്പെടാനും ഇടയുണ്ട്. എങ്കിലും ചുരുക്കം ചിലർക്ക് അപ്രതീക്ഷിത ഭാഗ്യാനുഭവങ്ങൾ ഉണ്ടായേക്കാം.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): അനാവശ്യ വിഷയങ്ങളിൽ പെട്ട് പേരുദോഷം  കേൾക്കുവാൻ ഇടവരികയും ധനപരമായ നഷ്ടം നേരിടേണ്ടി വരികയും ചെയ്യാം. വരവിനേക്കാൾ ചെലവ് അനുഭവപ്പെടാനും അനാവശ്യമായ ചെലവുകൾ മൂലം സാമ്പത്തിക ഞെരുക്കം വന്നുചേരാനും സാധ്യത കാണുന്നു.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): കലാകാരന്മാർക്ക് പേരും പ്രശസ്തിയും വന്നുചേരുന്ന സമയമാണിത്. തങ്ങളുടെ കഴിവുകൾക്ക് അർഹമായ അംഗീകാരം ലഭിക്കും. ദാമ്പത്യ ജീവിതത്തിൽ സന്തോഷവും ഐക്യവും വർദ്ധിക്കും. വാഹന ഭാഗ്യം ലഭിക്കാൻ സാധ്യതയുണ്ട്.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): കലാപരമായ മേഖലകളിൽ പ്രവർത്തിക്കുന്നവർക്ക് പേരും പ്രശസ്തിയും വന്നുചേരുന്ന ദിവസമാണിത്. കഴിവുകൾക്ക് അംഗീകാരം ലഭിക്കും. കുടുംബജീവിതത്തിൽ സന്തോഷവും ദാമ്പത്യ ഐക്യവും വർദ്ധിക്കുന്നതിനൊപ്പം വാഹന ഭാഗ്യത്തിനും സാധ്യത കാണുന്നു.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): മാനസികമായി ചില വെല്ലുവിളികൾ നേരിട്ടേക്കാം. കുടുംബാംഗങ്ങളുമായി വസ്തു സംബന്ധമായി വാക്കുതർക്കങ്ങൾ വരാനുള്ള സാധ്യത കാണുന്നു. ചിലർക്ക് തീരുമാനങ്ങൾ എടുക്കുന്നതിൽ ബുദ്ധിമുട്ടുകൾ അനുഭവപ്പെടാം. കാര്യങ്ങളിൽ പൊതുവെ തടസ്സങ്ങൾ നേരിടാം.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): അന്യരുമായുള്ള ബന്ധങ്ങൾ മൂലം അപമാനം കേൾക്കേണ്ട സാഹചര്യം ഉണ്ടായേക്കാം. തൊഴിൽപരമായ ക്ലേശങ്ങൾ, അമിത ആഡംബര പ്രവണതകൾ എന്നിവ അനുഭവത്തിൽ വരും. ശാരീരികമായി ആരോഗ്യപരമായ കുറവുകൾ ഉണ്ടാകാൻ സാധ്യതയുണ്ട്.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): സർക്കാർ, അർദ്ധ സർക്കാർ സ്ഥാപനങ്ങളിൽ തൊഴിൽ ചെയ്യുന്നവർക്ക് ജോലിയിൽ സ്ഥാനക്കയറ്റം ലഭിക്കും. ബിസിനസ്സുകാർക്ക് പുതിയ പ്രൊജക്റ്റുകൾ സ്വന്തമാക്കാൻ സാധിക്കും. പുതിയ ആഭരണങ്ങളോ വസ്ത്രങ്ങളോ ലഭിക്കാൻ യോഗമുണ്ട്.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): വിദ്യാഭ്യാസ കാര്യങ്ങളിൽ നല്ല പുരോഗതി ഉണ്ടാകും. എന്നാൽ ആരോഗ്യപരമായി കൂടുതൽ ജാഗ്രത പാലിക്കേണ്ട സമയമാണിത്. തൊഴിൽപരമായ ചില മാറ്റങ്ങൾ ഉണ്ടായേക്കാം. അന്യരുടെ ഇടപെടലുകൾ വഴി മോശം അനുഭവങ്ങൾ ഉണ്ടാകാതെ ശ്രദ്ധിക്കുക.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): ലോട്ടറി, നറുക്കെടുപ്പ് തുടങ്ങിയവയിൽ നിന്നും ഭാഗ്യാനുഭവങ്ങൾ ഉണ്ടാകും. വളരെക്കാലമായി കാണാതിരുന്ന ബാല്യകാല സുഹൃത്തുക്കളെ കണ്ടുമുട്ടാൻ അവസരം ലഭിക്കും. സ്ഥാനപ്രാപ്തി, തൊഴിൽ വിജയം, സുഖകരമായ ഉറക്കം എന്നിവ ലഭിക്കും.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): ഉദര സംബന്ധമായും ഉറക്കക്കുറവ് മൂലവും ദഹന വ്യവസ്ഥയിൽ വ്യത്യാസങ്ങൾ വരാൻ ഇടയുണ്ട്. ഛർദ്ദി, വയറുവേദന പോലുള്ള ശാരീരിക അസ്വസ്ഥതകൾ ഉണ്ടാകാൻ സാധ്യതയുള്ളതിനാൽ ആരോഗ്യ കാര്യങ്ങളിൽ അതീവ ജാഗ്രത പാലിക്കുക.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): കുടുംബത്തിൽ മംഗളകരമായ കർമ്മങ്ങൾ നടക്കാൻ സാഹചര്യമൊരുങ്ങും. ഉയർന്ന പദവികൾ ലഭിക്കുവാനുള്ള ഭാഗ്യം, ധനപരമായ നേട്ടം, തൊഴിൽ വിജയം എന്നിവ ഉണ്ടാകും. സമൂഹത്തിൽ എല്ലായിടത്തും മാന്യത നിലനിർത്താൻ സാധിക്കും.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): കർമ്മ സംബന്ധമായി ഈ ദിനം ഒട്ടേറെ നേട്ടങ്ങൾ ഉണ്ടാകാൻ സാധ്യതയുണ്ട്. സർക്കാർ ജോലിക്ക് അപേക്ഷിച്ചു കാത്തിരിക്കുന്നവർക്ക് അർഹമായ തൊഴിൽ നേട്ടങ്ങൾ ഉണ്ടാകുന്ന സമയമാണിത്.