സങ്കടക്കാഴ്ചയായി.... പന്തളം മാന്തുകയിൽ വാഹനാപകടത്തിൽ യുവാവിന് ദാരുണാന്ത്യം. മാന്തുക റീത്തുപള്ളി ജങ്ഷനിൽ വെച്ചായിരുന്നു അപകടം സംഭവിച്ചത്. കാറും ഓട്ടോറിക്ഷയും ബൈക്കുമാണ് അപകടത്തിൽപ്പെട്ടത്. അപകടത്തിൽ ബൈക്ക് യാത്രികനായ മാന്തുക സ്വദേശി ജിജോ മോൻ (32) ആണ് മരിച്ചത്. പുലർച്ചെ 6. 15 ഓടെയായിരുന്നു അപകടം സംഭവിച്ചത്.

ചെങ്ങന്നൂർ ഭാഗത്തേക്ക് പോയ കാർ നിയന്ത്രണം വിട്ട് ഓട്ടോറിക്ഷയിലും ബൈക്കിലും ഇടിക്കുകയായിരുന്നു. അപകടത്തിൽ ഓട്ടോ ഡ്രൈവർക്കും യാത്രക്കാർക്കും പരിക്കേൽക്കുകയും ചെയ്തു. രാവിലെ അമ്മയെ പള്ളിയിൽ കൊണ്ടു വിട്ടിട്ട് തിരികെ വീട്ടിലേക്ക് വരുമ്പോഴായിരുന്നു ജിജോമോന്റെ ബൈക്കിൽ കാർ വന്നിടിച്ചത്. ഇടിയുടെ ആഘാതത്തിൽ ജിജോമോൻ സംഭവസ്ഥലത്തുവെച്ചു തന്നെ മരണമടഞ്ഞു. കാർ യാത്രക്കാർക്കും അപകടത്തിൽ പരിക്കേറ്റിട്ടുണ്ട്.