സംസ്ഥാനത്ത് ഓണക്കാലത്തോടനുബന്ധിച്ച് നേന്ത്രക്കായ വിലയില് ഗണ്യമായ വര്ദ്ധനവ്...
സംസ്ഥാനത്ത് ഓണക്കാലത്തോടനുബന്ധിച്ച് നേന്ത്രക്കായ വിലയില് ഗണ്യമായ വര്ദ്ധനവ്. കിലോഗ്രാമിന് 70 മുതല് 75 രൂപ വരെയാണ് കൃഷിക്കാര്ക്ക് ഇപ്പോള് ലഭിക്കുന്ന വില. ഒരു മാസം മുന്പു വരെ 45 രൂപ വരെയാണ് ലഭിച്ചിരുന്നത്. ഇതോടെ പൊതു വിപണിയില് പഴത്തിന്റെ വില 80നു മുകളിലാണ്. ഉല്പ്പാദനം ഗണ്യമായി കുറഞ്ഞതാണ് ഇപ്പോഴത്തെ വില വര്ധനയ്ക്ക് കാരണമായി പറയുന്നത്.
കാലാവസ്ഥ വ്യതിയാനത്തെ തുടര്ന്ന് വയനാട്ടില് നിന്ന് വേണ്ടത്ര നേന്ത്രക്കുലകള് ലഭിക്കുന്നില്ല. ഇതോടൊപ്പം തമിഴ്നാട്ടിലെ മേട്ടുപ്പാളയം ഉള്പ്പെടെയുള്ള സ്ഥലങ്ങളില് നിന്ന് വരവ് കുറഞ്ഞതും വില വര്ധിക്കാനായി കാരണമായി.
സീസണില് കര്ഷകര്ക്ക് വേണ്ടത്ര വില ലഭിക്കാതെ വന്നതോടെ വലിയൊരു വിഭാഗം കര്ഷകര് നേന്ത്രവാഴ കൃഷി ഉപേക്ഷിച്ചതും തിരിച്ചടിയായി.
ഓണ സീസണ് അടുത്തെത്തി നില്ക്കുമ്പോള് ഞാലി ഉള്പ്പെടെയുള്ള ചെറുകായ്ക്കും ഭേദപ്പെട്ട വിലയാണ് ലഭിക്കുന്നത്.
"
https://www.facebook.com/Malayalivartha
