കൊല്ലത്ത് വിവാഹച്ചടങ്ങിനിടെ കൂട്ടത്തല്ല്
കൊല്ലം മയ്യനാട് വിവാഹച്ചടങ്ങിനിടെ മദ്യപിച്ച യുവാക്കള് ചേരിതിരിഞ്ഞ് അടികൂടി. മയ്യനാട് താന്നിയില് ഇന്നലെ രാത്രിയായിരുന്നു സംഭവം. കായലിനോട് ചേര്ന്നുള്ള ഓഡിറ്റോറിയത്തിലായിരുന്നു വിവാഹ സത്കാരം നടന്നത്. കായലിനരികിലിരുന്ന് മദ്യപിച്ച യുവാക്കള് തമ്മില് തര്ക്കമുണ്ടാവുകയും ചേരിതിരിഞ്ഞ് തമ്മില്ത്തല്ലുകയുമായിരുന്നു.
താന്നി പാലത്തിന് സമീപത്തെ ബോട്ട് ജെട്ടിക്ക് സമീപവും കായലിലുമാണ് ഏറ്റുമുട്ടലുണ്ടായത്. ചിലര് കായലില് ഇറങ്ങിയും അടികൂടി. തര്ക്കം പരിഹരിക്കാനെത്തിയ നാട്ടുകാര്ക്കും വഴിയാത്രക്കാര്ക്കും മര്ദ്ദനമേറ്റു. നാട്ടുകാരില് ചിലര് വിവരമറിയിച്ചതിനെത്തുടര്ന്ന് പൊലീസ് സ്ഥലത്തെത്തിയപ്പോഴാണ് യുവാക്കള് പിന്മാറിയത്.
തമ്മില്ത്തല്ലിന്റെ ദൃശ്യങ്ങള് സമൂഹമാദ്ധ്യമങ്ങളില് വ്യാപകമായി പ്രചരിക്കുന്നുണ്ട്. സംഭവത്തില് ഇരവിപുരം പൊലീസ് അന്വേഷണം നടത്തണമെന്ന് നാട്ടുകാര് ആവശ്യപ്പെട്ടു.
https://www.facebook.com/Malayalivartha
