പൊലീസ് സ്പോർട്സ് മീറ്റ് 2026 ദീപാശിഖാ പ്രയാണവുമായി ബന്ധപ്പെട്ട് തിരുവനന്തപുരം നഗരത്തിൽ ചൊവ്വ പകൽ രണ്ടുമുതൽ ഗതാഗതനിയന്ത്രണം.

കഴക്കൂട്ടം ജങ്‌ഷൻമുതൽ ചാക്കവരെയും ചാക്കമുതൽ പാളയംവരെയുള്ള റോഡിലും വൈകിട്ട് ആറുവരെയാണ്‌ ക്രമീകരണമുള്ളത്. ദീപാശിഖാപ്രയാണം കടന്നുപോകുന്ന എൻഎച്ച്‌ 66ൽ വെട്ടുറോഡ് ജങ്‌ഷൻമുതൽ മുക്കോലയ്ക്കൽ ജങ്‌ഷൻവരെ സർവീസ് റോഡിലും മുക്കോലയ്ക്കൽ ജങ്‌ഷൻമുതൽ ചാക്ക ജങ്‌ഷൻവരെ പ്രധാന റോഡിലും ഗതാഗതം നിയന്ത്രണമുണ്ടാകുകയും ചെയ്യും

ചാക്ക ഭാഗത്തുനിന്ന്‌ പാറ്റൂർ ജങ്‌ഷൻവരെ റോഡിൽ ദീപാശിഖാപ്രയാണം കടന്നുപോകുന്ന സമയത്തും ക്രമീകരണമുണ്ടാകും. ദീപാശിഖാപ്രയാണം കടന്നുപോകുന്ന സമയത്ത് പാറ്റൂർ ജങ്‌ഷൻമുതൽ പാളയം ജങ്‌ഷൻവരെയുള്ള ട്രാക്കിൽ ഗതാഗതം അനുവദിക്കില്ല.

ചാക്ക ഭാഗത്തുനിന്ന്‌ പാളയം ഭാഗത്തേക്ക് പോകേണ്ട വാഹനങ്ങൾ പാറ്റൂർ ജങ്‌ഷൻ–മൂലവിളാകം–-തമ്പുരാൻമുക്ക്–വരമ്പശേരി ജങ്‌ഷൻ –-ലോ കോളേജ് ജങ്‌ഷൻ–-പിഎംജി–-ജി വി രാജ-–പാളയം വഴി പോകേണ്ടതാണ്. റെയിൽവേ സ്റ്റേഷനിലേക്കും എയർപോർട്ടിലേക്കും പോകേണ്ട യാത്രക്കാർ യാത്ര ക്രമീകരിക്കേണ്ടതാണ്.