പുറ്റിങ്ങൽ ക്ഷേത്ര വെടിക്കെട്ട് ദുരന്തക്കേസ് വിചാരണയ്‌ക്ക്‌ ഹൈക്കോടതിയുടെ ഇടക്കാല സ്റ്റേ. സെഷൻസ് കേസ് നമ്പർ 1734/2023-ന്റെ വിചാരണയാണ്‌ ഹൈക്കോടതി താൽക്കാലികമായി തടഞ്ഞത്‌.

വിചാരണയിൽ സ്പെഷ്യൽ പബ്ലിക് പ്രോസിക്യൂട്ടറെ മാറ്റിയതുമായി ബന്ധപ്പെട്ട സർക്കാർ വിശദീകരണവും ബന്ധപ്പെട്ട രേഖകളും പരിശോധിക്കാനായി സമയം അനുവദിച്ചാണ് ജസ്റ്റിസ് ജി ഗിരീഷ് ഉത്തരവിട്ടിരിക്കുന്നത്. സ്പെഷ്യൽ പബ്ലിക് പ്രോസിക്യൂട്ടറെ മാറ്റിയതിന്റെ കാരണങ്ങൾ സംബന്ധിച്ച്‌ ഒന്നാം പ്രതിയായ സർക്കാരിന്റെ വിശദീകരണം കോടതിയിൽ സമർപ്പിക്കാനും ബന്ധപ്പെട്ട ഫയലുകൾ ഹാജരാക്കാനുമായി പബ്ലിക് പ്രോസിക്യൂട്ടർ ഹ്രസ്വമായ സമയം ആവശ്യപ്പെടുകയും ചെയ്തു. മൂന്നാം എതിർകക്ഷിയും കൗണ്ടർ സമർപ്പിക്കാനായി സമയം ആവശ്യപ്പെട്ടു.

തുടർന്ന് കേസ് 14-ന് പരിഗണിക്കാനായി മാറ്റി. അതുവരെ പുറ്റിങ്ങൽ ദേവീക്ഷേത്ര വെടിക്കെട്ട് ദുരന്തക്കേസിന്റെ വിചാരണയ്ക്ക് ഇടക്കാല സ്റ്റേ ഉണ്ടായിരിക്കുമെന്ന് വ്യക്തമാക്കി ഹൈക്കോടതി . അഡ്വ. കെ പി ജബ്ബാർ സമർപ്പിച്ച ഹർജിയിലാണ് ഹൈക്കോടതി നടപടി.