തിരുവനന്തപുരം മലയിൻകീഴ് വിളവൂർക്കലിൽ ഒന്നര വയസ്സുകാരിയായ മകളെ കഴുത്തറുത്ത് കൊലപ്പെടുത്തിയ സംഭവത്തിൽ യുടെ അറസ്റ്റ് പോലീസ് രേഖപ്പെടുത്തി. കൊലപാതകത്തിന് ശേഷം വിഷം കഴിച്ച് ജീവനൊടുക്കാൻ ശ്രമിച്ച ക്രിസ്റ്റി നിലവിൽ ആശുപത്രിയിൽ ചികിത്സയിലാണ്.കടുത്ത കുടുംബപ്രശ്നങ്ങളാണ് ഈ ക്രൂരമായ കൊലപാതകത്തിലേക്ക് നയിച്ചതെന്നാണ് പോലീസിന്റെ പ്രാഥമിക നിഗമനം. ഭർത്താവ് അഭിജിത്തിന് തന്നെ എപ്പോഴും സംശയമായിരുന്നെന്നും, സ്വന്തം വീട്ടിലേക്ക് പോലും തന്നെ വിട്ടിരുന്നില്ലെന്നും ക്രിസ്റ്റി പോലീസിന് മൊഴി നൽകി. കൊലപാതകം നടന്ന ദിവസവും ഇരുവരും തമ്മിൽ വഴക്കുണ്ടായിരുന്നതായി വിവരമുണ്ട്.

മകളെ കൊലപ്പെടുത്തിയ ശേഷം സ്വയം ജീവനൊടുക്കാനായിരുന്നു പദ്ധതിയെന്നും, എന്നാൽ കഴുത്തറുത്തതിന് ശേഷം കുഞ്ഞ് നിലത്ത് വീണ് പിടയുന്നത് കണ്ട് പരിഭ്രാന്തയായതോടെ അതിന് സാധിച്ചില്ലെന്നും ക്രിസ്റ്റി പോലീസിനോട് സമ്മതിച്ചിട്ടുണ്ട്. വൈകുന്നേരം നാല് മണിയോടെ കുഞ്ഞിന്റെ ബന്ധുവായ കുട്ടി കളിക്കാനായി വീട്ടിലെത്തിയപ്പോഴാണ് നാടിനെ നടുക്കിയ ഈ സംഭവം പുറംലോകമറിയുന്നത്. കുഞ്ഞിന്റെ അനക്കമില്ലാത്തതിനെ തുടർന്ന് അന്വേഷിച്ച ബന്ധുവിനോട് 'ഞാൻ എന്റെ കൊച്ചിനെ കൊന്നേ' എന്ന് ക്രിസ്റ്റി അലറിപ്പറയുകയായിരുന്നു. കൊല്ലപ്പെട്ട കുഞ്ഞിന്റെ പോസ്റ്റ്‌മോർട്ടം നടപടികൾ പൂർത്തിയായിട്ടുണ്ട്.