ആർട്ടിഫിഷ്യൽ ഇന്റലിജൻസ് സാങ്കേതികവിദ്യ വിവിധ തൊഴിൽമേഖലകളുടെ അവിഭാജ്യഘടകമായി മാറുന്ന സാഹചര്യത്തിൽ, സ്കൂൾ വിദ്യാർത്ഥികൾക്ക് എ ഐ സാങ്കേതികവിദ്യയെ പരിചയപ്പെടുത്തുന്നതിനായി ഡി വൈ എഫ് ഐ സംസ്ഥാനതലത്തിൽ സംഘടിപ്പിക്കുന്ന

"Hello2AI’ ക്യാമ്പയിന് സെപ്റ്റംബർ 17 ന് പാലക്കാട്‌ ജില്ലയിൽ തുടക്കമാകും. അടക്കാപുത്തൂർ ശബരി പി. ടി. ബി. സ്മാരക ഹയർ സെക്കണ്ടറി സ്കൂളിൽ വച്ച് നടക്കുന്ന പരിപാടി ഒറ്റപ്പാലം എം. എൽ. എ. അഡ്വ. കെ. പ്രേംകുമാർ ഉദ്ഘാടനം ചെയ്യും.

AIയെക്കുറിച്ചുള്ള അടിസ്ഥാന അറിവിനൊപ്പം സാങ്കേതികവിദ്യ പ്രായോഗികമായി പരിചയപ്പെടുന്നതിനും വിവേകപൂർവം ഉപയോഗിക്കുന്നതിനും വിദ്യാർത്ഥികൾക്ക് അവസരം ഒരുക്കുകയാണ് ക്യാമ്പയിന്റെ ലക്ഷ്യം.

എ. ഐ. മേഖലയിൽ ജോലി ചെയ്യുന്ന വിദഗ്ധരായ പ്രൊഫഷണലുകൾ തയ്യാറാക്കിയ സിലബസ്സ് പ്രകാരമാണ് ക്ലാസ്സ്‌.
എ. ഐ യിൽ പ്രവർത്തന പരിചയമുള്ള സിലബസ്സിൽ പരിശീലനം ലഭിച്ച മെന്റർമാരുടെ നേതൃത്വത്തിലാകും എ ഐ വർക്ക്‌ഷോപ്പുകൾ സംഘടിപ്പിക്കുക.

അധ്യാപകർക്കും രക്ഷിതാക്കൾക്കും തങ്ങളുടെ സ്കൂളുകളിൽ പരിപാടി സംഘടിപ്പിക്കാൻ താല്പര്യമുണ്ടെങ്കിൽ വെബ്സൈറ്റ് വഴി രജിസ്റ്റർ ചെയ്യുകയോ സംഘാടകരെ +91 9739603058 എന്ന നമ്പറിൽ ബന്ധപ്പെടാവുന്നതാണ്.. ക്ലാസുകൾ പൂർണ്ണമായും സൗജന്യമായിരിക്കും

ക്യാമ്പയിനിൽ മെന്റർമാരായി പ്രവർത്തിക്കാൻ താല്പര്യമുള്ളവർക്കും വെബ്സൈറ്റിൽ രജിസ്റ്റർ ചെയ്ത് ക്യാമ്പയിനിന്റെ ഭാഗമാകാം.

എ ഐ സാങ്കേതികവിദ്യയെ ഭാവിയുടെ സാധ്യതകൾക്കൊപ്പം ഉത്തരവാദിത്തത്തോടെയും ക്രിയാത്മകമായും സമീപിക്കാൻ പുതിയ തലമുറയെ പ്രാപ്തരാക്കുക എന്ന ലക്ഷ്യത്തോടെയാണ് ക്യാമ്പയിൻ സംഘടിപ്പിക്കുന്നത്.
ക്യാമ്പയിനുമായി ബന്ധപ്പെട്ട കൂടുതൽ വിവരങ്ങൾ www.hello2ai.in എന്ന വെബ്സൈറ്റിൽ ലഭ്യമാണ്. ഫോൺ: +91 9739603058.