പോക്‌സോ കേസില്‍ സോഷ്യല്‍ മീഡിയ താരമായ യുവാവ് റിമാന്‍ഡില്‍. കുമ്പളങ്ങാട് പള്ളിയത്തുപറമ്പില്‍ വിഘ്‌നേശ് കൃഷ്ണയാണു (24) പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ച കേസില്‍ ജയിലിലായത്. സമൂഹമാധ്യമങ്ങളില്‍ അമ്പിളി എന്ന പേരില്‍ പ്രണയ റീലുകള്‍ പോസ്റ്റ് ചെയ്യുന്നയാളായിരുന്നു വിഘ്‌നേശ്. പീഡനത്തിന് ഇരയായ പെണ്‍കുട്ടി പൊലീസില്‍ പരാതി നല്‍കിയതോടെ ഫോണ്‍ സ്വിച്ച് ഓഫ് ചെയ്ത് മുങ്ങി. എസ്എച്ച്ഒ അനൂപിന്റെ നേതൃത്വത്തില്‍ തമിഴ്‌നാട്ടിലെ സേലത്തു നിന്നാണു പ്രതിയെ പിടികൂടിയത്.