തിരുവനന്തപുരം ചാന്നാങ്കരയിൽ ലഹരിമരുന്ന് വാങ്ങാൻ പണം നൽകാത്തതിന് വയോധികയായ മേഴ്സിയെ കൊച്ചുമകൻ ഷിബിൻ ക്രൂരമായി മർദിച്ച് കൊലപ്പെടുത്തിയ കേസിൽ കൂടുതൽ പോലീസ് കണ്ടെത്തലുകൾ പുറത്ത്. വെറും എണ്ണായിരം രൂപയ്ക്ക് വേണ്ടിയാണ് പ്രതി സ്വന്തം അമ്മൂമ്മയുടെ ജീവനെടുത്തത്. കൊലപാതകത്തിന് ശേഷം പണവുമായി ബാറിലെത്തി മദ്യപിച്ച പ്രതിയെ കഠിനംകുളം പോലീസ് അറസ്റ്റ് ചെയ്ത് നിലവിൽ റിമാൻഡ് ചെയ്തിരിക്കുകയാണ്.