സെമിത്തേരികളിലെ ഗ്രാനൈറ്റ് മോഷണ സംഘം പിടിയില്
പള്ളി സെമിത്തേരികളിലെ കല്ലറകളില് നിന്ന് ഗ്രാനൈറ്റ് മോഷണം നടത്തിയ സംഘം ഒടുവില് പിടിയില്. മല്ലപള്ളിയില് ഗ്രാനൈറ്റ് വില്പന നടത്തിവന്ന തമിഴ്നാട് സ്വദേശി ജലാല് സുന്ദര്, പശ്ചിമ ബംഗാള് സ്വദേശി സുര്ജിത്, മലപ്പള്ളി പാടിമണ് സ്വദേശി സജിത്ത് എന്നിവരാണ് കീഴ്വായ്പൂര് സി.ഐ സുരേഷ് കുമാറിന്റെ നേതൃത്വത്തില് പിടികൂടിയത്.
ജലാല് സുന്ദറാണ് കടയുടമ. വിപണിയില് ഗ്രാനൈറ്റിന് ക്ഷാമം നേരിട്ടതോടെയാണ് ഇവര് മല്ലപ്പള്ളി മേഖലയിലെ പള്ളി സെമിത്തേരികളില് മോഷണത്തിനിറങ്ങിയത്. ഒരു പള്ളിയിലെ കല്ലറകളില് നിന്ന് ഗ്രാനൈറ്റ് മോഷ്ടിച്ച് തൊട്ടടുത്ത പള്ളികളിലെ മരണാനന്തര ചടങ്ങുകള്ക്കും മറ്റുമായി മറിച്ചുവില്ക്കുകയായിരുന്നു ഇവരുടെ രീതി. മല്ലപ്പള്ളി മേഖലയിലെ മൂന്ന് പള്ളികളിലാണ് ഇത്തരത്തില് മോഷണം നടന്നത്. ഒടുവില് മൂന്നാമത്തെ പള്ളിയില് നടത്തിയ മോഷണവുമായി ബന്ധപ്പെട്ടുള്ള അന്വേഷണത്തിലാണ് പ്രതികള് കുടുങ്ങിയത്.
https://www.facebook.com/Malayalivartha
