കണ്ണീർക്കാഴ്ചയായി... തൃശൂർ റെയിൽവേ സ്‌റ്റേഷനിൽ ഓടിത്തുടങ്ങിയ തീവണ്ടിയിൽ ചായക്കപ്പുകളുമായി കയറാൻ ശ്രമിക്കവേ വീണ് യുവാവ് മരിച്ചു. നീങ്ങിത്തുടങ്ങിയ ട്രെയിനിലേക്ക് ചായക്കപ്പുള്ള കൈക്കൊണ്ട് പിടിച്ചുകയറാൻ ശ്രമിച്ചപ്പോൾ ട്രെയിനിനും പ്ലാറ്റ്‌ഫോമിനുമിടയിലേക്ക് വഴുതിവീഴുകയായിരുന്നു.

പാലക്കാട് പിരിയാരി പള്ളിക്കുളം പൂച്ചിങ്ങൽ വീട്ടിൽ പിയു മുഹമ്മദ് ഷുഹൈബ് ആണ് മരിച്ചത്. 32 വയസ്സായിരുന്നു. ഇന്നലെ രാവിലെ ഒമ്പതോടെ തൃശൂർ റെയിൽവേ സ്‌റ്റേഷനിലെ ഒന്നാംനമ്പർ പ്ലാറ്റ്‌ഫോമിലാണ് അപകടം സംഭവിച്ചത്. പാലക്കാട്ടുനിന്ന് എറണാകുളത്തേക്ക് പോയിരുന്ന മെമു ട്രെയിൻ തൃശൂരിലെത്തിയപ്പോൾ ചായ വാങ്ങാൻ ഇറങ്ങിയതായിരുന്നു ഷുഹൈബ്. സംഭവസ്ഥലത്തുവച്ചുതന്നെ മരിച്ചു. തലയ്ക്കാണ് ഗുരുതര പരിക്കേറ്റത്. പാലക്കാട് കെഎസ്ആർടിസിസി ബസ് സ്റ്റാൻഡിന് സമീപം ഹനഫി ജുമാ മസ്ജിദ് മദ്രസയിലെ അധ്യാപകനായിരുന്നു.

 "