നടന്‍ കലാഭവന്‍ മണിയുടെ മരണം കൊലപാതകം തന്നെയാണെന്ന ആരോപണവുമായി മണിയുടെ സഹോദരന്‍ ആര്‍എല്‍വി രാമകൃഷ്ണന്‍ രംഗത്ത്. മരണത്തിന് പിന്നില്‍ സാമ്ബത്തിക ഇടപാടുകളുമായി ബന്ധമുണ്ട്. അന്വേഷണം മൊഴികള്‍ രേഖപ്പെടുത്തല്‍ മാത്രമായി ചുരുങ്ങിയെന്നും രാമകൃഷ്ണന്‍ സ്വകാര്യ ചാനലിന് നല്‍കിയ അഭിമുഖത്തില്‍ പറഞ്ഞു. മലയാളത്തിന്റെ പ്രിയ നടന്റെ മരണം നടന്ന് രണ്ട് മാസം പിന്നിട്ടിരിക്കുന്നു.

കാക്കനാട് ലാബില്‍ നിന്നും ഹൈദരാബാദിലെ സെന്‍ട്രല്‍ ലാബിലേക്ക് കൊണ്ടുപോയ ആന്തരികവായവങ്ങളിലെ വിഷസാന്നിധ്യത്തിന്റെ അളവ് സംബന്ധിച്ച് ഇനിയും വിവരമല്ല. ഈ സാഹചര്യത്തിലാണ് അന്വേഷണം സംബന്ധിച്ച വിശ്വാസ്യത നഷ്ടപ്പെട്ടു തുടങ്ങിയെന്ന പ്രതികരണവുമായി സഹോദരന്‍ ആര്‍എല്‍വി രാമകൃഷ്ണന്‍ രംഗത്തെത്തിയത്. ഹൈദരാബാദിലെ സെന്‍ട്രല്‍ ലാബിലേക്ക് കൊണ്ടുപോയ ആന്തരികാവയവങ്ങളിലെ വിഷസാന്നിധ്യത്തിന്റെ അളവ് സംബന്ധിച്ച് ഇനിയും വിവരമില്ലെന്നും രാമകൃഷ്ണന്‍ ആരോപിക്കുന്നു. മ

ണിയുടെ മരണത്തിന് പിന്നില്‍ സാമ്ബത്തിക ഇടപാടുകളുമായി ബന്ധമുണ്ടെന്ന തങ്ങളുടെ സംശയം ബലപ്പെടുകയാണ് .മണിയെ തേടി പാഡിയിലെത്തുന്നവരില്‍ പലരുമായി സാമ്ബത്തിക ഇടപാടുകളുണ്ട്. പണം തിരികെ ചോദിച്ചതിനെ തുടര്‍ന്ന് പലര്‍ക്കും അങ്കലാപ്പുണ്ടായിരുന്നു. മണിക്ക് ഒപ്പമുണ്ടായിരുന്നവര്‍ തുടര്‍ച്ചയായി മദ്യം നല്‍കുമായിരുന്നു. ഇതില്‍ ഘട്ടംഘട്ടമായി വിഷം കലര്‍ത്തിയിരുന്നതായും തങ്ങള്‍ക്ക് സംശയമുണ്ടെന്നും സഹോദരന്‍ പറയുന്നു.

പാഡിയോട് ചേര്‍ന്ന സ്ഥലത്ത് മണി വീട് നിര്‍മ്മിക്കാനുള്ള ഒരുക്കത്തിലായിരുന്നു. ജീവിതത്തെ കുറിച്ച് ദീര്‍ഘവീക്ഷണമുള്ള മണി ആത്മഹത്യ ചെയ്യേണ്ട കാര്യമില്ല. അന്വേഷണം കേവലം മൊഴികള്‍ രേഖപ്പെടുത്തല്‍ മാത്രമായി ചുരുങ്ങിയിരിക്കുകയാണ്. മണിയുമായി ബന്ധപ്പെട്ട സാമ്ബത്തിക ഇടപാടുകളെ കുറിച്ച് അറിയുന്ന കാര്യങ്ങള്‍ അന്വേഷണസംഘത്തെ ധരിപ്പിച്ചിട്ടുണ്ട്. അന്വേഷണം എങ്ങുമെത്താത്ത സാഹചര്യത്തില്‍ നീതിക്ക് വേണ്ടി കലാഭവന്‍ മണിയുടെ കുടുംബം സമരം ചെയ്യേണ്ട അവസ്ഥയിലാണെന്നും രാമകൃഷ്ണന്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha