ചെല്ലാനം കടൽഭിത്തി നിർമാണം സമയബന്ധിതമായി പൂർത്തിയാക്കുമെന്നും നിർമാണത്തിൽ അഴിമതിയോ അനാസ്ഥയോ അനുവദിക്കില്ലെന്നും മന്ത്രി മോൻസ് ജോസഫ്. കടലാക്രമണത്തിൽനിന്ന് ചെല്ലാനം തീരദേശത്തെ സംരക്ഷിക്കുന്നതിനുള്ള 464 കോടി രൂപയുടെ രണ്ടാംഘട്ട തീരസംരക്ഷണ പദ്ധതിയുടെ നിർമാണോദ്ഘാടനം നിർവഹിക്കുകയായിരുന്നു അദ്ദേഹം.

തീരദേശ ജനതയുടെ ദീർഘകാല ദുരിതത്തിന് ശാശ്വത പരിഹാരം കാണുകയാണ് പദ്ധതിയുടെ ലക്ഷ്യം. ബന്ധപ്പെട്ട ഉദ്യോഗസ്ഥർ ഉത്തരവാദിത്തത്തോടെയും ജാഗ്രതയോടെയും പ്രവർത്തനം നിരീക്ഷിച്ച് നിർമാണം കുറ്റമറ്റ രീതിയിൽ പൂർത്തിയാക്കണം. വീഴ്ച വരുത്തുന്നവർക്കെതിരെ നടപടിയുണ്ടാകുമെന്നും മന്ത്രി മുന്നറിയിപ്പ് നൽകി.

സംസ്ഥാനത്ത് അധികാരത്തിലെത്തിയ യുഡിഎഫ് സർക്കാർ ആദ്യ മന്ത്രിസഭാ യോഗത്തിൽ തന്നെ വിവിധ ജില്ലകളിലെ പരിഹരിക്കപ്പെടാത്ത പ്രശ്നങ്ങൾ പരിശോധിച്ച് സമയബന്ധിതമായി പരിഹാരം കാണാൻ തീരുമാനിച്ചതിന്റെ ഭാഗമായാണ് ചെല്ലാനം പദ്ധതിയുടെ തുടർനടപടികൾ വേഗത്തിലാക്കിയതെന്ന് മന്ത്രി പറഞ്ഞു.