മഹാരാജാസ് കോളേജിലെ എസ്.എഫ്.ഐ പ്രതിഷേധത്തിൽ കൂടുതൽ പ്രതികരണവുമായി ഉന്നത വിദ്യാഭ്യാസ വകുപ്പ് മന്ത്രി റോജി.എം.ജോൺ. കാലടിയിലെ സമരത്തോട് യോജിപ്പില്ല.കഴിഞ്ഞ സർക്കാരിന്റെ കാലത്ത് 90 ദിവസവും 120 ദിവസവും വിദ്യാർത്ഥികളെ സസ്പെൻഡ് ചെയ്ത് പുറത്തു നിർത്തിയിട്ടുണ്ട്.അന്ന് അവർക്ക് ന്യായമൊന്നും ഉണ്ടായില്ല.സർവകലാശാലയിലെ വ്യവസ്ഥാപിതമായ രീതിയിൽ സർക്കാർ ഇടപെടേണ്ട കാര്യമില്ല.സസ്പെൻഷൻ പിൻവലിക്കേണ്ട കാര്യം സർവകലാശാലയാണ് തീരുമാനിക്കേണ്ടതെന്നും മന്ത്രി റോജി.എം.ജോൺ പറഞ്ഞു.

മഹാരാജാസ് കോളേജിൽ നടന്നത് ദൗർഭാഗ്യകരമായ സംഭവമെന്ന് വ്യക്തമാക്കി മന്ത്രി ബിരുദ ദാനചടങ്ങിന് അതിൻ്റേതായ അച്ചടക്കമുണ്ടെന്ന് വ്യക്തമാക്കി.ബാനർ ഉയർത്തുന്നതും പ്രതിഷേധമുയർത്തുന്നതെന്നും പ്രശ്നമായി കാണുന്ന ആളല്ല താൻ.പ്രതിഷേധിക്കാനുള്ള അവകാശത്തെ ബഹുമാനിക്കുന്നു എന്നാണ് താൻ പറഞ്ഞത്. പ്രസംഗം അവസാനിക്കുന്ന സമയത്താണ് ഒരു വിഭാഗം വിദ്യാർത്ഥികൾ മുന്നോട്ടു കയറി വരുന്നത്ബിരുദ ദാന ചടങ്ങിലെ പ്രോട്ടോകോൾ അറിയാവുന്നത് കൊണ്ടാണ് അവരോട് ചടങ്ങ് കഴിഞ്ഞതിനുശേഷം അവരുടെ ചോദ്യങ്ങൾക്ക് മറുപടി നൽകാമെന്ന് പറഞ്ഞത്.എന്നാൽ അവർക്ക് അതിനോടൊന്ന് താല്പര്യമുണ്ടായിരുന്നില്ല

ചോദ്യം ചോദിക്കുക എന്നതിനപ്പുറം പരിപാടിയിൽ പ്രശ്നമുണ്ടാക്കുക എന്നതായിരുന്നു അവരുടെ ലക്ഷ്യം അവരുടെ ചോദ്യത്തിന് മറുപടി പറഞ്ഞിട്ടാണ് ചടങ്ങിൽ നിന്ന് പോയത്. ചോദ്യം ചോദിക്കുമ്പോൾ വീട്ടിൽ പോയി ചോദിക്കാൻ അല്ല പറഞ്ഞത്.പ്രതിഷേധിക്കാനും സമരം ചെയ്യാനും അതിന്റേതായ മര്യാദയുണ്ടെന്നും അത് ജനാധിപത്യ രീതിയിലാവണമെന്നും മന്ത്രി റോജി.എം.ജോൺ വ്യക്തമാക്കി.

വിദ്യാർത്ഥികളുടെയും മാതാപിതാക്കളുടെയും സ്വപ്നമായ ബിരുദദാന ചടങ്ങ് അലങ്കോലപ്പെടുത്തി ആകരുതതായിരുന്നു പ്രതിഷേധ പരിപാടി സംഘടിപ്പിക്കേണ്ടത്.ഇത്തരം പരിപാടികൾ അലങ്കോലപ്പെടുത്തി ആണോ വിദ്യാർത്ഥി രാഷ്ട്രീയം കൊണ്ടു പോകേണ്ടതെന്ന് ഇതിന് നേതൃത്വം നൽകിയ സംഘടനകൾ ആലോചിക്കണം.ഇത്തരം സമരങ്ങളുടെ മുന്നിൽ വഴങ്ങി കൊടുക്കാനോ വിട്ടുകൊടുക്കാനോ ഉദ്ദേശിക്കുന്നില്ല.അപരിഷ്കൃത സമരം എന്ന് പറഞ്ഞത് കാലടി സർവകലാശാലയുമായി ബന്ധപ്പെട്ട് നടന്ന സമരത്തെയാണെന്നും ഉന്നത വിദ്യാഭ്യാസ വകുപ്പ് മന്ത്രി റോജി.എം.ജോൺ വ്യക്തമാക്കി.