പെരുമ്പാവൂരിലെ നിയമവിദ്യാര്‍ഥിനി ജിഷയുടെ കൊലപാതകക്കേസില്‍ പോലീസും ആരോഗ്യ വകുപ്പും തമ്മില്‍ ഒത്തുകളിയാണെന്ന് ജിഷയുടെ അമ്മായി ലൈല ബിജു. എറണാകുളം പ്രസ്‌ക്ലബില്‍ വാര്‍ത്ത സമ്മേളനത്തില്‍ സംസാരിക്കുകയായിരുന്നു അവര്‍. ജിഷയുടെ സഹോദരി ദീപയും അമ്മ രാജേശ്വരിയും പോലീസ് കസ്റ്റഡിയിലാണെന്നും അവരോട് സംസാരിക്കാനോ കൂട്ടിരിക്കാനോ ബന്ധുക്കള്‍ക്ക് അനുമതിയില്ലെന്നും ലൈല ആരോപിച്ചു. മാധ്യമങ്ങളോട് സംസാരിക്കുവാനോ ഫോണില്‍ ബന്ധപ്പെടാനോ ദീപയ്ക്ക അനുവാദമില്ല. ദീപയുടെ ഫോണ്‍ സ്വിച്ച് ഓഫ് ചെയ്തിരിക്കുകയാണെന്നും അവര്‍ പറഞ്ഞു. ജിഷ വധക്കേസില്‍ പോലീസ് മുമ്പ് ദീപയുടെ മൊഴിയെടുത്തിരുന്നു. അമ്മ രാജേശ്വരിക്കൊപ്പം ആസ്പത്രിയിലായിരുന്ന ദീപയെ അവിടെ നിന്നാണ് പോലീസ് സംഘം കൂട്ടിക്കൊണ്ടുപോയത്. സാധനങ്ങള്‍ തിരിച്ചറിയുന്നതിനായാണ് ദീപയെ വിളിപ്പിച്ചതെന്നായിരുന്നു പോലീസ് നല്‍കിയ വിശദീകരണം. എന്നാല്‍ പെരുമ്പാവൂര്‍ പോലീസ് സ്‌റ്റേഷനിലെത്തിച്ച ദീപയെ കേസ് അന്വേഷിക്കുന്ന ഡിവൈ.എസ്.പി. ജിജിമോന്റെ നേതൃത്വത്തില്‍ ചോദ്യം ചെയ്‌തെന്നാണ് സൂചനകള്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha