യുവതിയെ വിവാഹവാഗ്ദാനം നല്‍കി ലൈംഗികമായി പീഡിപ്പിച്ചു; റിട്ട. നാവികസേനാ ഉദ്യോഗസ്ഥന്‍ അറസ്റ്റില്‍
യുവതിയെ വിവാഹവാഗ്ദാനം നല്‍കി ലൈംഗികമായി പീഡിപ്പിച്ച കേസില്‍ റിട്ടയേര്‍ഡ് നാവികസേനാ ഉദ്യോഗസ്ഥന്‍ അറസ്റ്റില്‍. പെരിങ്ങോം സ്വദേശിയും രണ്ട് കുട്ടികളുടെ അമ്മയുമായ യുവതി നല്‍കിയ പരാതിയിലാണ് അറസ്റ്റ്. വര്‍ക്കല സ്വദേശിയും ഡിഎംആര്‍സി ജീവനക്കാരനുമായ ബൈജുവാണ് പയ്യന്നൂര്‍ പൊലീസിന്റെ പിടിയിലായത്.വിവാഹബ്യൂറോ വഴി പരിചയപ്പെട്ട യുവതിയെ വിവാഹവാഗ്ദാനം നല്‍കി പലയിടങ്ങളില്‍കൊണ്ടുപോയി പീഡിപ്പിച്ചെന്നാണ് കേസ്.
വിരമിച്ച നാവികസേനാ ഉദ്യോഗസ്ഥനും നിലവില്‍ എറണാകുളത്ത് ഡിഎംആര്‍സിയില്‍ ജീവനക്കാരനുമായ വര്‍ക്കല സ്വദേശി ബൈജു വിവാഹവാഗ്ദാനം നല്‍കി ലൈംഗികമായി പീഡിപ്പിച്ചെന്ന് കഴിഞ്ഞ ജൂണ്‍ മാസമാണ് യുവതി പരാതി നല്‍കിയത്. ഭര്‍ത്താവുമായി പിരിഞ്ഞ യുവതി പുനര്‍ വിവാഹത്തിനായി പയ്യന്നൂരിലെ ഒരു വിവാഹ ബ്യൂറോയില്‍ രജിസ്റ്റര്‍ ചെയ്തിരുന്നു.പ്രതിയായ ബൈജുവും ഇവിടെ പേര് ചേര്‍ത്തിരുന്നു.
ബ്യൂറോ വഴി യുവതിയെ പരിചയപ്പെട്ട ബൈജു ഇവരുമായി സൗഹൃദത്തിലായി.ഉടന്‍ വിവാഹം കഴിക്കാമെന്ന് പറഞ്ഞ് പറശ്ശിനിക്കടവ്,കണ്ണൂര്‍ എന്നിവിടങ്ങളിലെ ലോഡ്ജിലും പെരിങ്ങോത്തെ യുവതിയും വീട്ടിലും വച്ച് ലൈംഗികമായി പീഡിപ്പിച്ചുവെന്നാണ് പരാതി.പയ്യന്നൂര്‍ സി ഐ ആസാദിന്റെ നേതൃത്ത്വത്തിലുളള സംഘം എറണാകുളത്ത് വച്ച് പ്രതിയെ പിടികൂടുകയായിരുന്നു.വൈദ്യ പരിശോധനയ്ക്ക് വിധേയനാക്കിയ ശേഷം ബൈജുവിനെ കോടതിയില്‍ ഹാജരാക്കി.
https://www.facebook.com/Malayalivartha
