നടിയെ ആക്രമിച്ച കേസില് കാവ്യാ മാധവന്റെ ഡ്രൈവര് ദിലീപിനെതിരെ മൊഴി കൊടുക്കുമെന്ന് പ്രോസിക്യൂഷന്
നടിയെ ആക്രമിച്ച കേസില് അറസ്റ്റിലായ നടന് ദിലീപിന്റെ ജാമ്യാപേക്ഷയില് പ്രോസിക്യൂഷന് വാദം ആരംഭിച്ചു. ദിലീപ് 'കിങ് ലയറാ'ണെന്ന്ണെന്ന് പ്രോസിക്യൂഷന് കോടതിയില് വാദിച്ചു. ദിലീപിന്റെയും പള്സര് സുനിയുടെയും ഫോണുകള് എങ്ങനെ സ്ഥിരമായി ഒരേടവര് ലൊക്കേഷനില് വരുന്നതെന്നും ജയില് ഡ്യൂട്ടിയില് ഉണ്ടായിരുന്ന പൊലീസുകാരോടാണ് ദിലീപ് കുറ്റവാളിയാണെന്ന കാര്യം സുനി വെളിപ്പെടുത്തിയതെന്നും പ്രോസിക്യൂഷന് വാദിക്കുന്നു.
തൃശ്ശൂര് ടെന്നീസ് ക്ലബ്ബ് ജീവനക്കാരന് ദിലീപിനെയും സുനിയെയും ഒരുമിച്ച് കണ്ടിട്ടുണ്ട്. നടിയും ദിലീപിന്റെ ഭാര്യയുമായ കാവ്യാ മാധവന്റെ ഡ്രൈവര് ദിലീപിനെതിരെ മൊഴി കൊടുക്കുമെന്നും പ്രോസിക്യൂഷന് അറിയിച്ചു.
രാവിലെ നടന്ന വാദത്തില് ഡിജിപി ലോക്നാഥ് ബെഹ്റയെ നടന് ദിലീപ് വീണ്ടും പഴിചാരിയിരുന്നു. പള്സര് സുനി ഭീഷണിപ്പെടുത്തിയ അന്നുതന്നെ വിവരം ഡിജിപിയെ അറിയിച്ചിരുന്നു. പരാതി നല്കാന് 20 ദിവസം വൈകിയെന്ന പൊലീസ് നിലപാട് തെറ്റാണ്. പൊലീസ് കെട്ടുകഥകള് ഉണ്ടാക്കുകയാണെന്നും ദിലീപിന്റെ അഭിഭാഷകന് ബി.രാമന്പിള്ള വാദിച്ചു.
നടിയെ ഉപദ്രവിച്ച കേസില് റിമാന്ഡിലായ മുഖ്യപ്രതി സുനില്കുമാര് (പള്സര് സുനി) പല കഥകളും പറയുന്നതുപോലെ ദിലീപിന്റെ പേരും പറയുകയാണെന്നു അഭിഭാഷകന് ചൊവ്വാഴ്ച ഹൈക്കോടതിയില് ബോധിപ്പിച്ചിരുന്നു. ഗൂഢാലോചനയെന്ന പൊലീസിന്റെ ആരോപണം തെറ്റാണെന്നും ദിലീപ് വാദിച്ചു.
https://www.facebook.com/Malayalivartha
