വിവാദ യോഗ കേന്ദ്രത്തിനെതിരെ വെളിപ്പെടുത്തലുമായി മുന് ഇന്സ്ട്രക്ടര്
തൃപ്പൂണിത്തുറയിലെ വിവാദ യോഗ കേന്ദ്രത്തില് ലൈംഗിക പീഡനവും നടക്കുന്നുണ്ടെന്ന് വെളിപ്പെടുത്തല്. യോഗ കേന്ദ്രത്തിലെ മുന് ഇന്സ്ട്രക്ടര് ആലപ്പുഴ പെരുമ്ബലം സ്വദേശി എ.വി കൃഷ്ണകുമാര് ഹൈകോടതിയില് നല്കിയ ഹരജിയിലാണ് പുതിയ വെളിപ്പെടുത്തല്. യോഗ കേന്ദ്രത്തിലെ പെണ്കുട്ടികള്ക്ക് മയക്കുമരുന്ന് നല്കിയിരുന്നുവെന്നും പെണ്കുട്ടികളുടെ നഗ്നചിത്രം പകര്ത്തി ഭീഷണിപ്പെടുത്തുന്നതായും ഹരജിയില് പറയുന്നു. കേസില് കക്ഷിചേര്ക്കണമെന്ന് ആവശ്യപ്പെട്ടാണ് കൃഷ്ണകുമാര് ഹരജി നല്കിയത്.
പ്രതീഷ് വിശ്വനാഥന് നടത്തുന്ന ഹിന്ദു ഹെല്പ്പ് ലൈന് വഴിയാണ് കേന്ദ്രത്തിലേക്ക് പെണ്കുട്ടികളെ എത്തിക്കുന്നത്. പെണ്കുട്ടികള്ക്ക് രാവും പകലും പീഡനമാണെ്. രക്ഷിതാക്കളില്നിന്ന് പതിനായിരം മുതല് ലക്ഷങ്ങള് വരെ ഫീസ് വാങ്ങുന്നുണ്ട്. പലിശ, ഭൂമി ഇടപാടുകള്ക്കായാണ് വരുമാനം വിനിയോഗിക്കുന്നതെന്നും കൃഷ്ണകുമാര് ഹരജിയില് ആരോപിക്കുന്നു.
യോഗ കേന്ദ്രം നടത്തിപ്പുകാരന് മനോജിന് സര്ക്കാറിലെയും പൊലീസിലെയും ഉന്നതരുമായി ബന്ധമുണ്ട്. ഇവരുടെ വിവരങ്ങള് പുറത്തുപറഞ്ഞാല് ജീവന് അപകടത്തിലാകുമെന്ന് ഭയമുണ്ടെന്നും ഹരജിയില് കൃഷ്ണകുമാര് പറയുന്നു . മനോജുമായി ബന്ധമുള്ള ഹില് പാലസ് സി.ഐ കേന്ദ്രത്തിന്റെ പരിപാടികളില് പങ്കെടുത്തിട്ടുണ്ട്. യോഗ കേന്ദ്രത്തിന്റെ പരിപാടികളില് സി.ഐ പങ്കെടുത്തതിന്റെ ചിത്രങ്ങളും അദ്ദേഹം കോടതിയില് സമര്പ്പിച്ചു.
https://www.facebook.com/Malayalivartha
