ഹാദിയയെ ഓര്ത്ത് മാതാപിതാക്കളായ അശോകനും പൊന്നമ്മയ്ക്കും അഭിമാനിക്കാമെന്ന് എഴുത്തുകാരന് എന്.എസ് മാധവന്റെ ട്വീറ്റ്
ഹാദിയയെ ഓര്ത്ത് മാതാപിതാക്കളായ അശോകനും പൊന്നമ്മയും അഭിമാനിക്കുകയാണ് വേണ്ടതെന്ന് എഴുത്തുകാരന് എന്.എസ് മാധവന്. പ്രതിസന്ധികളെയും സമ്മര്ദ്ദങ്ങളെയും അതിജീവിച്ച് സ്വന്തം നിലപാടില് ഉറച്ചുനിന്ന ഹാദിയയെ ഓര്ത്ത് അശോകനും പൊന്നമ്മയും അഭിമാനിക്കണമെന്ന് എന്.എസ് മാധവന് ട്വീറ്റ് ചെയ്തു.
'തുറന്ന് പറയട്ടെ ഹാദിയയെ വളര്ത്തിയ അശോകനും പൊന്നമ്മയും അഭിമാനിക്കണം അവള് ആത്മവിശ്വാസം പ്രകടിപ്പിച്ചു, സമ്മര്ദ്ദങ്ങളിലും തന്റെ നിലപാടില് ഉറച്ചു നിന്നു. തന്റെ മനസിലുള്ളത് പറഞ്ഞു, ഇതാണ് മാതാപിതാക്കള്ക്ക് തങ്ങളുടെ മക്കള്ക്ക് സമ്മാനിക്കാന് കഴിയുന്നത്'
'ചുറ്റുപാടും നോക്കിയാല് മുതിര്ന്നവരുടെ സമ്മര്ദ്ദത്തിന് കീഴടങ്ങുന്ന കുട്ടികളെയാണ് കാണുന്നത്. എന്നാല് അവള് അതിന് തയ്യാറായില്ല. അവളെ വളര്ത്തിയ രീതിയാണ് അതിന് കാരണം'
സ്വന്തം ഇഷ്ടപ്രകാരമാണ് മതം മാറിയതെന്നും ഭര്ത്താവ് ഷെഫിന് ജെഹാനോടൊപ്പം പോകണമെന്നും ഹാദിയ സുപ്രീം കോടതിയില് ആവശ്യപ്പെട്ടിരുന്നു. ഷെഫിന് നല്കിയ ഹര്ജിയില് തന്റെ നിലപാട് വ്യക്തമാക്കവെയാണ് ഹാദിയ സുപ്രീം കോടതിയില് ഇക്കാര്യങ്ങള് പറഞ്ഞത്. തുടര്ന്ന് ഹാദിയയുടെ പഠനം തുടരാന് സേലത്തേക്ക് അയക്കാന് സുപ്രീം കോടതി ഉത്തരവിടുകയായിരുന്നു.
https://www.facebook.com/Malayalivartha
