ചില കോണ്ഗ്രസ് നേതാക്കളില് നിന്ന് മോശം അനുഭവം ഉണ്ടായെന്നും യു.ഡി.എഫില് പരസ്പരവിശ്വാസവും ഐക്യവും നഷ്ടപ്പെട്ടെന്നും മാണി
യു.ഡി.എഫ് വിട്ട സാഹചര്യം ഇപ്പോഴും നിലനില്ക്കുകയാണെന്ന് കേരളാ കോണ്ഗ്രസ് (എം) ചെയര്മാന് കെ.എം മാണി. പരസ്പ്പരവിശ്വാസവും ഐക്യവും നഷ്ടപ്പെട്ടപ്പോവാണ് മുന്നണി വിട്ടത്. ആ സാഹചര്യം ഇപ്പോഴും മാറിയിട്ടില്ല. അടുത്ത ലോക്സഭാ തെരഞ്ഞെടുപ്പിന് ആറ് മാസം മുമ്പ് ഏതെങ്കിലും മുന്നണിയില് ചേരുന്നത് സംബന്ധിച്ച് തീരുമാനം എടുക്കും. ചില കോണ്ഗ്രസ് നേതാക്കളില് നിന്ന് മോശം അനുഭവം ഉണ്ടായെന്നും അദ്ദേഹം വെളിപ്പെടുത്തി. കേരളാ കോണ്ഗ്രസിന്റെ മഹാസമ്മേളനത്തിന് ശേഷം ആദ്യമായാണ് മുന്നണിപ്രവേശനം സംബന്ധിച്ച് കെ.എം മാണി പരസ്യമായി പ്രതികരിക്കുന്നത്.
ബാര്ക്കോഴക്കേസില് കെ.എം മാണിയെ ചില കോണ്ഗ്രസ് നേതാക്കള് കുടുക്കിയതിനെ തുടര്ന്നാണ് അദ്ദേഹം യു.ഡി.എഫ് വിട്ടത്. കേരളാ കോണ്ഗ്രസിനെ എല്.ഡി.എഫിലെടുക്കാന് സി.പി.എം ശ്രമിക്കുന്നുണ്ട്. വീരേന്ദ്രകുമാറിന്റെ ജനതാദളിനെയും മാണിയേയും ഒരുമിച്ച് മുന്നണിയില് എടുത്താല് മധ്യതിരുവിതാംകൂറിലും കോഴിക്കോട്ടും വയനാട്ടിലും കൂടുതല് കരുത്താര്ജ്ജിക്കാമെന്നാണ് സി.പി.എം കണക്കുകൂട്ടുന്നത്. എന്നാല് മാണിയുടെ പ്രവേശനത്തിന് സി.പി.ഐ എതിരാണ്. കാനംരാജേന്ദ്രന് ഇക്കാര്യം പരസ്യമായി വ്യക്തമാക്കി. കോണ്ഗ്രസ് അധ്യക്ഷനായ ശേഷം രാഹുല്ഗാന്ധി കെ.എം മാണിയുമായി സംസാരിച്ച് പ്രശ്നം പരിഹരിക്കുമെന്നും കേള്ക്കുന്നു. കഴിഞ്ഞ ദിവസം ഡല്ഹിയില് കെ.വി തോമസിന്റെ വസതിയില് യു.ഡി.എഫ് എം.പിമാര് യോഗം ചേര്ന്നപ്പോള് കേരളാ കോണ്ഗ്രസിലെ ജോസ് കെ. മാണിയും ജോയി ഏബ്രഹാമും പങ്കെടുത്തിരുന്നു.
എന്നാല് കെ.വി തോമസിന്റെ വസതിയില് സംഘടിപ്പിച്ച ക്രിസ്്മസ് വരുന്നില് പങ്കെടുക്കാനാണ് കേരളാ കോണ്ഗ്രസ് എം.പിമാര് പോയതെന്നും അതില് യാതോരുവിധ രാഷ്ട്രീയവും ഇല്ലെന്നും പാര്ട്ടി വൃത്തങ്ങള് വ്യക്തമാക്കി. അതേസമയം കേരളത്തെ സംബന്ധിക്കുന്ന പൊതുവിഷയങ്ങളില് മുന്നണിനോക്കാതെ, ഡല്ഹിയില് നടക്കുന്ന സമരപരിപാടികളില് പങ്കെടുക്കുമെന്നും അവര് പറഞ്ഞു.
https://www.facebook.com/Malayalivartha
