പോളിറ്റ് ബ്യൂറോ തള്ളിക്കളഞ്ഞിട്ടും ബേബിക്ക് കുലുക്കമില്ല… കമ്മ്യൂണിസ്റ്റ് പാര്ട്ടികള് ഒന്നിക്കണമെന്ന് വീണ്ടും എംഎ ബേബി
കമ്മ്യൂണിസ്റ്റ് പാര്ട്ടികള് ഒന്നിക്കണമെന്ന ബേബിയുടെ വിവാദ പരാമര്ശത്തില് നിന്നും പാര്ട്ടിയെ പോളിറ്റ് ബ്യൂറോ രക്ഷപ്പെടുത്തിയതാണ്. എന്നാല് രണ്ടുനാള് നീളും മുമ്പേ അതേ വിവാദ പരാമര്ശവുമായി സിപിഎം പോളിറ്റ് ബ്യൂറോ അംഗം കൂടിയായ ബേബി വീണ്ടുമെത്തി.
കമ്മ്യൂണിസ്റ്റ് പാര്ട്ടികള് സഹകരിച്ച് പ്രവര്ത്തിക്കാന് തയാറാകണമെന്നാണ് ബേബി ആവശ്യപ്പെട്ടത്. ആലപ്പുഴയില് കൃഷ്ണപിള്ള അനുസ്മരണ യോഗത്തിലാണ് ബേബി തന്റെ നിലപാട് ആവര്ത്തിച്ചത്.
സിപിഎം, സിപിഐ എന്നീ പാര്ട്ടികള് മാത്രമല്ല, എല്ലാ ഇടതുപക്ഷക്കാരും ഒന്നിച്ച് പ്രവര്ത്തിക്കണം. ദേശീയ തലത്തില് ജനങ്ങള് പാര്ട്ടിയില് നിന്ന് അകന്നു. ഇതിന് തെളിവാണ് പശ്ചിമ ബംഗാളിലെ തിരിച്ചടി. ദേശീയ തലത്തില് ഇടതുപക്ഷത്തിന് കനത്ത തിരിച്ചടി നേരിട്ടുവെന്നും എം.എ.ബേബി പറഞ്ഞു.
സിപിഎം, സിപിഐ പാര്ട്ടികള് ഒന്നിക്കണമെന്ന് ബേബി കഴിഞ്ഞ ദിവസം തൃശൂരില് ആവശ്യപ്പെട്ടിരുന്നു. സിപിഐ നേതാക്കള് ഇതിനോട് അനുകൂലമായി പ്രതികരിച്ചെങ്കിലും സിപിഎം നേതാക്കള് പലരും മൗനം പാലിക്കുകയായിരുന്നു. ബേബിയുടെ നിര്ദ്ദേശം സിപിഎം പോളിറ്റ് ബ്യൂറോയും തള്ളിക്കളഞ്ഞിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
