കളിക്കുന്നതിനിടെ ജീപ്പ് സ്റ്റാർട്ടായി. ശ​രീ​ര​ത്തി​ല്‍​കൂ​ടി ജീപ്പ് കയറിയിറങ്ങി ഏഴുവയസുകാരൻ മരിച്ചു. പെ​രി​ങ്ങ​മ്മ​ല ഒ​ഴു​കു​പാ​റ പ​ന​ങ്ങോ​ട് മാ​ത്യു കോ​ട്ടേ​ജി​ല്‍ ഷി​ജു മാ​ത്യു​വി​ന്‍റെ​യും ഷി​ജി മാ​ത്യു​വി​ന്‍റെ​യും മ​ക​ന്‍ ജോ​ഷി മാ​ത്യു​വാ​ണ് മ​രി​ച്ച​ത്. ചാ​ത്തി​ചാ​ച്ച​മ​ണ്‍​പു​റം മ​ല​ങ്ക​ര ഓ​ര്‍​ത്ത​ഡോ​ക്‌​സ് പ​ള്ളി​യി​ല്‍ പ്രാ​ര്‍​ഥ​ന​യ്ക്ക് എ​ത്തി​യ​താ​യി​രു​ന്നു ഈ കുടുംബം. അ​ച്ഛ​നും അ​മ്മ​യും പ​ള്ളി​യി​ല്‍ പ്രാ​ര്‍​ഥി​ക്കു​ന്ന​തി​നി​ടെ ജോ​ഷി​മാ​ത്യു കൂ​ട്ടു​കാ​രോ​ടൊ​ത്ത് പ​ള്ളി​മു​റ്റ​ത്ത് ക​ളി​ക്കാൻ ഇറങ്ങിയതായിരുന്നു. ഇ​തി​നി​ടെ കു​ട്ടി​ക​ളി​ലൊ​രാ​ള്‍ ജീ​പ്പി​നു​ള്ളി​ലി​രു​ന്ന താ​ക്കോ​ല്‍ ഉ​പ​യോ​ഗി​ച്ച് വ​ണ്ടി സ്റ്റാ​ര്‍​ട്ടാ​ക്കി. തുടർന്ന് ജീപ്പിനു പിന്നിൽ ക​ളി​ച്ചു​കൊ​ണ്ടി​രു​ന്ന ജോ​ഷി​മാ​ത്യു​വി​ന്‍റെ ശ​രീ​ര​ത്തി​ല്‍​കൂ​ടി വ​ണ്ടി​ക​യ​റി​യി​റ​ങ്ങുകയായിരുന്നു.

കു​ട്ടി​ക​ളു​ടെ നി​ല​വി​ളി​കേ​ട്ട് പ​ള്ളി​ക്ക​ക​ത്തു​ണ്ടാ​യി​രു​ന്ന​വ​ര്‍ ഓ​ടിയെത്തിയപ്പോഴേക്കും കുട്ടി മരിച്ചിരുന്നു. താ​ന്നി​മൂ​ട് സ്വ​ദേ​ശി രാ​ജ​ന്‍റേ​താ​യി​രു​ന്നു ജീ​പ്പ്. ഇ​ദ്ദേ​ഹ​വും പ​ള്ളി​യി​ലെ​ത്തി​യ​താ​യി​രു​ന്നു. പെ​രി​ങ്ങ​മ്മ​ല ഗ​വ.​യു​പി​എ​സി​ലെ ഒ​ന്നാം​ക്ലാ​സ് വി​ദ്യാ​ര്‍​ഥി​യാ​യിരുന്നു മരിച്ച ജോഷി മാത്യു.