രാജി വെറും നുണക്കഥ; ഷീല ദീക്ഷിത് രാഷ്ട്രപതിയേയും ആഭ്യന്തര മന്ത്രിയേയും കണ്ടു; തത്കാലം രാജിയില്ല
ഗവര്ണര് സ്ഥാനം രാജിവെച്ചൊഴിയുമെന്ന അഭ്യൂഹങ്ങള്ക്കിടെ ഗവര്ണര് ഷീല ദീക്ഷിത് രാഷ്ട്രപതി പ്രണാബ് മുഖര്ജിയുമായി കൂടിക്കാഴ്ച നടത്തി. മിസോറാമിലേയ്ക്ക് സ്ഥലം മാറ്റിയേക്കുമെന്ന വാര്ത്തകള്ക്കിടെയാണ് ഷീല രാഷ്ട്രപതിയെ കണ്ടത്. എന്നാല് തന്റെ രാജി വാര്ത്തകള് ഊഹാപോഹങ്ങളാണെന്ന് ഷീലാ ദീക്ഷിത് പറഞ്ഞു. ഉച്ചയ്ക്ക് ആഭ്യന്തരമന്ത്രി രാജ്നാഥ് സിംഗുമായും ഷീല കൂടിക്കാഴ്ച നടത്തിയിരുന്നു.
രാജി വയ്ക്കാന് വിസമ്മതം കാട്ടിയ ഗവര്ണര്മാരെയെല്ലാവരേയും കേന്ദ്ര സര്ക്കാര് നാടുകടത്തിയതോടെ ഭൂരിപക്ഷവും രാജിവച്ചു. രാജിവയ്ക്കാന് വിസമ്മതം കാട്ടിയ ശങ്കരനാരായണനും രാജി വച്ചതോടെ ഇപ്പോള് അവശേഷിക്കുന്നത് കേരള ഗവര്ണര് ഷീല ദീക്ഷിതാണ്. കഴിഞ്ഞ ദിവസമാണ് മിസോറാമിലേക്കു സ്ഥലംമാറ്റിയ മഹാരാഷ്ട്ര ഗവര്ണര് കെ. ശങ്കരനാരായണന് രാജിവച്ചത്. ഷീല ദീക്ഷിതിനും രാജിവയ്ക്കാന് കേന്ദ്രത്തിന്റെ സമ്മര്ദമുണ്ടായിരുന്നു. മിസോറമിലേക്കുള്ള സ്ഥലംമാറ്റ ഉത്തരവിനു പിന്നാലെ ശങ്കരനാരായണന് രാജി വച്ചതിനെ തുടര്ന്ന് കേരള ഗവര്ണറെ മിസോറമിലേക്കു സ്ഥലം മാറ്റുമെന്ന് ഇതിനിടെ അഭ്യൂഹങ്ങള് പരന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
