സംസ്‌ഥാനത്തിന്റെ ലഹരി വിരുദ്ധ പദ്ധതിയായ ക്ലീന്‍ കാമ്പസിന്റെ ബ്രാന്‍ഡ്‌ അംബാസഡറായി സിനിമാ താരം മമ്മൂട്ടിയെ തിരഞ്ഞെടുത്തു. ഒരു വര്‍ഷം നീണ്ടു നില്‍ക്കുന്ന പദ്ധതിയാണിത്‌. ആദ്യ ഘട്ടത്തില്‍ സ്‌കൂളുകളെയും രണ്ടാം ഘട്ടത്തില്‍ കോളജുകളെയും കേന്ദ്രീകരിച്ചാണ്‌ പദ്ധതി നടപ്പിലാക്കുക. ലഹരിയുമായി ബന്ധപ്പെട്ട്‌ ഇതുവരെ 19629 റെയ്‌ഡുകള്‍ നടന്നിട്ടുണ്ടെന്നും 3567 കേസുകള്‍ രജിസ്‌ട്രര്‍ ചെയ്‌തിട്ടുണ്ടെന്നും കൊച്ചിയില്‍ ആഭ്യന്തര മന്ത്രി രമേശ്‌ ചെന്നിത്തല അറിയിച്ചു.
ലഹരിവിരുദ്ധ ക്യാംപെയിനിന്റെ ബ്രാന്‍ഡ്‌ അംബാസിഡറായി തിരഞ്ഞെടുത്തതില്‍ അതിയായ സന്തോഷമുണ്ടെന്ന്‌ മമ്മൂട്ടി പറഞ്ഞു. കുട്ടികളെ ലഹരിയില്‍ നിന്ന്‌ മോചിപ്പിക്കാന്‍ അധ്യാപകരും മുതിര്‍ന്നവരും മാതാപിതാക്കളും ഒരു പോലെ ശ്രദ്ധിക്കണം.
സാഹിത്യം, പാട്ട്‌, പ്രകൃതി സ്‌നേഹം എന്നിവയോടായിരിക്കണം കുട്ടികള്‍ക്ക്‌ ലഹരിയുണ്ടാകേണ്ടത്‌. അല്ലാതെ മദ്യത്തിനോടെ മയക്കുമരുന്നിനോടോ ആവരുതെന്നും അദ്ദേഹം പറഞ്ഞു. കേരളത്തിലെ വിദ്യാര്‍ഥി സംഘടനകള്‍ സമരം ചെയ്യേണ്ടത്‌ ലഹരിക്കെതിരെയാവണമെന്നും അദ്ദേഹം കൂട്ടിച്ചേര്‍ത്തു. മമ്മൂട്ടി പറഞ്ഞു. തിരുവനന്തപുരത്തും കോഴിക്കോട്ടും നടക്കുന്ന ലഹരി വിരുദ്ധ പരിപാടികളിലും മമ്മൂട്ടി പങ്കെടുക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha